បរទេស៖ ខ្សែបម្រើ Barcelona គឺ Frankie De Jong អស់ការអត់ថ្មត់ជាមួយនឹងអ្នកសារព័ត៌មានដែលព្យាយាមចុះផ្សាយព័ត៌មានអំពីខ្លួន ដោយរូបគេបានលើកឡើងថា សុទ្ធសឹងតែព័ត៌មានក្លែងក្លាយ និងធ្វើឲ្យរូបគេទើសទាល់ជាខ្លាំង។ De Jong បាននិយាយប្រាប់អ្នកសារព័ត៌មានក្នុងកិច្ចសម្ភាសកាលពីថ្ងៃអង្គារថា៖ «មួយរយៈចុងក្រោយនេះខ្ញុំពិតជាខឹងខ្លាំងជាមួយនឹងសារព័ត៌មានមួយចំនួន។ មានរឿងមិនពិតជាច្រើនបានលេចចេញមក។ ខ្ញុំនៅតែមិនយល់ មនុស្សទាំងអស់នោះចេញផ្សាយព័ត៌មានដែលមិនពិត។ ហើយវាពិតជារំខានដល់ខ្ញុំជាខ្លាំង។ ឧទាហរណ៍ ពួកគេនិយាយអំពីកុងត្រារបស់ខ្ញុំ ដែលនិយាយថា ខ្ញុំមានកុងត្រាដែលមានតម្លៃ៤០លានអឺរ៉ូ ដែលវាខុសឆ្ងាយពីកុងត្រាពិតប្រាកដរបស់ខ្ញុំ ខ្ញុំមិនអាចនិយាយអំពីតួលេខបានឡើយ ប៉ុន្តែរឿងទាំងនោះមិនពិតឡើយ។ អ្នកសារព័ត៌មានទាំងនោះគួរតែផ្លាស់ប្តូរ ព្រោះពួកគេបានបំផ្លាញគ្រូបង្វឹក និងកីឡាករជាច្រើនមកហើយ។ ព្រោះតែការចុះផ្សាយព័ត៌មានដែលមិនពិត។ នេះជាក្លឹបក្នុងក្តីស្រមៃរបស់ខ្ញុំ ហើយខ្ញុំរំពឹងថា នឹងអាចនៅទីនេះរយៈពេលជាច្រើនឆ្នាំទៅមុខទៀត»៕
(អារ៉ាប៊ីសាអូឌីត)៖ កំពូលម៉ាស៊ីនរកគ្រាប់បាល់លំដាប់ពិភព Cristiano Ronaldo បានប្រកាសថា អារ៉ាប៊ីសាអូឌីតនឹងក្លាយជាផ្ទះអចិន្ត្រៃយ៍របស់គាត់ ដោយបានបញ្ជាក់ថា គាត់មានគម្រោងចង់រស់នៅទីនោះពេញមួយជីវិត ខណៈបច្ចុប្បន្នគាត់ទើបតែបន្តកុងត្រាថ្មី ២ ឆ្នាំបន្ថែមជាមួយក្លឹប Al-Nassr ។អត្ថបទកំពុងចាប់អារម្មណ៍៖ អរគុណសន្តិភាព! Ronaldo ប្រកាសចង់រស់នៅអារ៉ាប៊ីសាអូឌីត«អស់មួយជីវិត» សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា Ronaldo និងក្រុមគ្រួសារកំពុងមានអារម្មណ៍សប្បាយរីករាយ និងបានកោតសរសើរចំពោះបរិយាកាស និងជាប្រទេសមានសន្តិភាព ជាមួយការរាក់ទាក់ដ៏កក់ក្តៅរបស់ប្រជាជន។ បន្ថែមពីនេះ Ronaldo បានសង្កត់ធ្ងន់ថា «ប្រទេសអារ៉ាប៊ីសាអូឌីត គឺជាប្រទេសដែលមានសុខសុវត្ថិភាព និងសន្តិភាព ដែលធ្វើឲ្យគាត់មានបំណងចង់រស់នៅជាអចិន្ត្រៃយ៍» ៕ ប្រភព៖ Gulf News
