បរទេស៖ ក្លឹបបិសាចក្រហម Manchester United ត្រូវបានគេរាយការណ៍ថា បានធ្វើការសម្រេចចិត្តដោយមិនអនុញ្ញាតឲ្យ Mason Greenwood វិលត្រលប់ចូលរួមក្រុមម្តងទៀតឡើយ ដោយពួកគេបានសម្រេចដាក់តម្លៃខ្លួនរបស់កីឡាកររូបនេះបើសិនមានក្លឹបណាចង់បាន ខណៈក្លឹប AT Madrid និង Barcelona សុទ្ធសឹងតែត្រូវបានគេរាយការណ៍ថា បានបង្ហាញចំណាប់អារម្មណ៍លើខ្សែប្រយុទ្ធវ័យក្មេងរូបនេះ។ បើយោងទៅតាមការចុះផ្សាយដោយ Fussball News បានបញ្ជាក់ថា Man Utd បានដាក់តម្លៃខ្លួន Greenwood ប្រមាណ 40លានអឺរ៉ូ បើមានក្លឹបណាចង់បានខ្សែប្រយុទ្ធរូបនេះនៅរដូវក្តៅខាងមុខនេះ។ របាយការណ៍ខាងលើបន្តថា ក្លឹបយក្សនៅអេស្ប៉ាញដូចជា Barcelona និង Atletico Madrid គឺសុទ្ធសឹងតែចាប់អារម្មណ៍ចង់បាន Greenwood នៅចុងបញ្ចប់រដូវកាលនេះ៕
បរទេសៈ ខ្សែប្រយុទ្ធឆ្នើមរបស់ក្លឹបបិសាចក្រហម Manchester United គឺ Marcus Rashford ដែលបច្ចុប្បន្នកំពុងលេងនៅក្លឹប Aston VIlla ក្នុងលក្ខខណ្ឌខ្ជីជើង ត្រូវបានគេរាយការណ៍ថា បានបើកការចរចារក្នុងការទទួលយកការកាត់ប្រាក់ឈ្នួល ដើម្បីអាចបញ្ចប់ការផ្ទេរទៅកាន់ក្លឹប FC Barcelona ដែលជាក្លឹបក្នុងក្តីស្រមៃរបស់គេ ។អត្ថបទកំពុងចាប់អារម្មណ៍៖ Rashford ចង់ផ្ទេរទៅកាន់ក្លឹបនៅអេស្ប៉ាញមួយ នៅទីផ្សារដោះដូរខាងមុខ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស បច្ចុប្បន្នក្រុម Aston Villa បានមានសិទ្ធិក្នុងការទិញខ្សែប្រយុទ្ធរូបនេះក្នុងតម្លៃ៤០លានផោន តែ Rashford ហាក់បីចង់បង្ហាញផ្ទេរទៅកាន់ក្លឹបនៅទឹកដីអេស្ប៉ាញជាង ។ ទោះបីជាយ៉ាងណាមិញ Barcelona នៅតែបន្តជួបប្រទះបញ្ហាហិរញ្ញវត្ថុ ហើយ La Liga បន្តដាក់សម្ពាធយ៉ាងតឹងរឹងលើប្រាក់ឈ្នួលរបស់កីឡាករ ដែលនេះអាចជាមូលហេតុដ៏ពិបាកសម្រាប់ Barcelona ក្នុងការចុះកុងត្រាលើកីឡាករថ្មី៕
