(អង់គ្លេស)៖ ក្លឹបបិសាចក្រហម Manchester United ត្រូវបានគេរាយការណ៍ថា បានកំណត់អត្តសញ្ញាណលើខ្សែប្រយុទ្ធឆ្នើម Lautaro Martinez របស់ក្លឹបយក្សនៅអ៊ីតាលី Inter Milan ហើយបានចាត់ទុកថាជាគោលដៅដ៏សក្តានុពលសម្រាប់ទីផ្សារដោះដូរកីឡាករនារដូវក្តៅ នេះបើតាមសារព័ត៌មាន Fichajes បានចុះផ្សាយ កាលពីម្សិលមិញ។ ទន្ទឹមនឹងនេះដែរ ក្លឹបបិសាចក្រហម ចង់ពង្រឹងតំបន់ប្រយុទ្ធបន្ថែម ខណៈដែលក្លឹបយល់ថា ការចុះកុងត្រានាំយក Rasmus Hojlund មកកាន់ទឹកដី Old Trafford ក្នុងតម្លៃផ្ទេរ ៧២លានផោន ពីក្លឹប Atalanta គឺមិនទាន់គ្រប់គ្រាន់នៅឡើយនោះទេ។
ជាក់ស្តែង Antony Martial ត្រូវបានគេរំពឹងថានឹងចាកចេញពីក្លឹប ដោយគ្មានតម្លៃខ្លួនទៀតសោត ដូច្នេះវាជាហេតុផលមួយក្នុងការស្វែងរកខ្សែប្រយុទ្ធថ្មី នៅរដូវកាលបន្ទាប់។ ហើយមិនតែប៉ុណ្ណោះ អ្នកចាត់ការទូទៅលោក Erik ten Hag បានឃ្លាំមើល និងថ្លឹងថ្លែងពីសមត្ថភាពរបស់ម្ចាស់ជើងឯក World Cup ឆ្នាំ២០២២ រូបនេះ ជាយូរណាស់មកហើយ។
បច្ចុប្បន្ន Martinez ស្ថិតក្រោមកិច្ចសន្យារហូតដល់ខែមិថុនា ឆ្នាំ២០២៦ ប៉ុន្តែគាត់កំពុងពិភាក្សាជាមួយក្រុម Inter ជុំវិញការបន្តស្នាក់នៅជាមួយក្លឹបបន្ត។ បើទោះជាយ៉ាងនេះក្តី ក្លឹបបិសាចក្រហម នឹងត្រូវរិះរកវីធីបញ្ចុះបញ្ចូលកីឡាករអាហ្សង់ទីនរូបនេះ ឲ្យចាកចេញពីអ៊ីតាលី និងផ្ទេរមករួមទ្រនំជាមួយខ្លួនឲ្យខាន់តែបាន។ គួរបញ្ជាក់ផងដែរថា ប្រធានក្រុម Inter បច្ចុប្បន្នកំពុងរីករាយនឹងយុទ្ធនាការដ៏ជោគជ័យ ដោយបានស៊ុតបញ្ចូលទី ២២គ្រាប់ និង assists ៥ដង ក្នុងការប្រកួត ៣០លើក៕
ប្រភព៖ SportsMole
(អង់គ្លេស)៖ យោងតាមគេហទំព័រ Football Insider បានឱ្យដឹងថា ក្លឹបតោខៀវ Chelsea បានត្រៀមខ្លួនលក់កីឡាកររបស់ខ្លួន ៤រូប មានដូចជា Ian Maatsen, Trevoh Chalobah, Armando Broja និង Conor Gallagher ដើម្បីស្តារជំហរហិរញ្ញវត្ថុរបស់ពួកគេ និងរក្សាតំណែងខ្សែការពារឆ្នើម Levi Colwill នៅរដូវក្តៅនេះផងដែរ។អត្ថបទកំពុងចាប់អារម្មណ៍៖ Prediction: Arsenal ត្រូវបន្តសាកល្បងសមត្ថភាពជាមួយ Tottenham ដើម្បីរក្សាចំណាត់ថ្នាក់កំពូលតារាង សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ជាមួយគ្នានេះផងដែរ Liverpool បានព្យាយាមចុះហត្ថលេខាលើ Colwill ខណៈឥឡូវនេះហង្សក្រហមអាចនឹងមិនចុះហត្ថលេខាលើខ្សែការពារវ័យ ២១ឆ្នាំរូបនេះបានដោយជោគជ័យនោះទេ ស្របពេល Joel Matip ទំនងជានឹងចាកចេញពីទឹកដី Anfield ក្នុងរដូវកាលនេះផងដែរ។ សរុបមកវិញ ការចាកចេញរបស់កីឡាករ Chelsea ទាំង៤រូបនេះ អាចជាការសម្រេចដ៏ត្រឹមត្រូវដែរឬទេ ក៏ព្រោះថាពួកគេសុទ្ធសឹងតែជាកីឡាករកំពុងតែវិវត្តន៍បានយ៉ាងល្អ គួរឲ្យកត់សម្គាល់៕ ប្រភព៖ SportsMole