Jude Bellingham បានស៊ុតបាល់បញ្ចូលទីពីរគ្រាប់មុនពេលជួបបញ្ហារងរបួស ខណៈ Real Madrid បានបំបាក់ក្រុមប្រជែងដណ្តើមពាន Girona ក្នុងលទ្ធផល ៤ទល់និង០ សម្រាប់ការប្រកួតក្របខណ្ឌ La Lliga នៅថ្ងៃសៅរ៏ទី ១១ កុម្ភៈ ២០២៤។ ជ័យជំនះនៅសប្តាហ៏ទី ២៤នេះ បានជម្រុញអោយ Real Madrid វ៉ាដាច់គូប្រជែង Girona ដល់ទៅ ៥ ពិន្ទុនៅលើលីកកំពូល La Liga ។ទោះយ៉ាងណាខ្សែបម្រើស្លាបក្រុមជម្រើសជាតិអង់គ្លេសត្រូវបានបង្ខំចិត្តប្តូរចេញដោយសារជួបបញ្ហារបួសកជើងនៅតង់ទីពីរ។ ២គ្រាប់ផ្សេងទៀតរបស់ក្រុមលោក Carlo Ancelloti រកបាន ដោយកីឡាករ Vinicius Junior និង Rodrygo។

Bellingham បានទទួលលទ្ធផលលើសពីការរំពឹងទុកក្រោយផ្លាស់មកចូលរួមជាមួយ Real Madrid ពីក្រុម Borussia Dortmund ក្នុងតម្លៃ ៨៨ លានផោនកាលពីរដូវក្តៅឆ្នាំមុន។នៅក្នុងខែវិច្ឆិកា គាត់បានក្លាយជាកីឡាករដំបូងគេដែលស៊ុតបញ្ចូលទីបាន ១៤ គ្រាប់ក្នុងការបង្ហាញខ្លួន ១៥ លើកដំបូងរបស់គាត់សម្រាប់ក្លឹបក្នុងការទទួលជ័យជម្នះ ៣-0 លើCadiz និងបានបំបែកកំណត់ត្រាដែលធ្លាប់កាន់កាប់ដោយ Cristiano Ronaldo, Alfredo Di Stefano និង Pruden Sanchez ។អតីតយុវជនBirmingham City ក៏ជាកីឡាករReal Madrid ដំបូងគេដែលស៊ុតបញ្ចូលទីបាននៅក្នុងការបង្ហាញខ្លួនក្នុងក្របខ័ណ្ឌ Champions League ៤លើកដំបូងសម្រាប់ក្លឹប និងកំពុងរក្សាកំនត់ត្រាជាអ្នកស៊ុតបញ្ចូលទីច្រើនជាងគេនៅ La Liga នៅរដូវកាលនេះជដោយរកបាន១៦ គ្រាប់។

ជ័យជម្នះនេះបានធ្វើអោយ Real Madrid បន្តស្គាល់ភាពមិនដែលចាញ់ដល់ទៅ ១៨លើក និងជារយៈពេលវែងបំផុតរបស់ពួកគេគិតចាប់តាំងពីឆ្នាំ ២០២១២ ។ ទន្ទឹមនឹងនោះ Girona នៅតែស្ថិតក្នុងចំណាត់ថ្នាក់ដ៏ល្អក្នុងក្រុមកំពូលទាំងបួន(លេខរៀងទី២)ក្រោយបរាជ័យលើកទីពីរនៅរដូវកាល នេះ។

ប្រភព:BBC

វីឌេអូ: Real Madrid vs Girona

វីដេអូ: Bellingham