(អេស្ប៉ាញ)៖ ថ្មីៗនេះ ខ្សែបម្រើឆ្នើម Frenkie de Jong ត្រូវបានគេរាយការណ៍ថាកំពុងពិចារណាអំពីអនាគតរបស់ខ្លួននៅក្លឹបអ្នកមានបុណ្យ Barcelona ដោយបានរៀបចំគម្រោងចង់ចាកចេញពីក្លឹបក្នុងអំឡុងពេលទីផ្សារដោះដូរកីឡាកររដូវក្តៅនេះ។ គួរកត់សម្គាល់ថា ក្លឹបបិសាចក្រហម Manchester United បានតាមប្រមាញ់ខ្សែបម្រើរូបនេះ ជាយូរមកហើយ តែសាមីខ្លួនបានបដិសេធការផ្ទេរជាច្រើនដង។
កីឡាករវ័យ ២៦ឆ្នាំ បានក្លាយជាកីឡាករដ៏សំខាន់ម្តងទៀតសម្រាប់ក្លឹបយក្សកាតាឡានក្នុងរដូវកាលនេះ ដោយបានបង្ហាញខ្លួនចំនួន ២២ដង ក្នុងការប្រកួតទាំងអស់ ដោយស៊ុតបញ្ចូលទីបាន ១គ្រាប់។ ជាក់ស្តែង កុងត្រារបស់ De Jong នៅ Camp Nou មានសុពលភាពរហូតដល់ខែមិថុនា ឆ្នាំ២០២៦ ឯណោះ ប៉ុន្តែបើយោងតាមអ្នកកាសែត Lluis Canut បានអះអាងថា បច្ចុប្បន្នកីឡាករសញ្ជាតិហូឡង់ កំពុងថ្លឹងថ្លែងការចាកចេញនៅចុងយុទ្ធនាការឆ្នាំ ២០២៣-២៤។
ទន្ទឹមនឹងនេះដែរ Man United ត្រូវបានគេរំពឹងថា នឹងជួសជុលខ្សែបម្រើរបស់ពួកគេនៅក្នុងទីផ្សារនាពេលខាងមុខ ដោយ Casemiro និង Christian Eriksen អាចបន្តលេងទៅមុខបាន ខណៈដែលអនាគតរបស់ Scott McTominay នឹងមានការជជែកគ្នាម្តងទៀត។
ដោយឡែក វាជាយុទ្ធនាការដ៏ច្របូកច្របល់សម្រាប់ក្រុម Barcelona ដោយគ្រូបង្វឹកលោក Xavi បានបង្ហើបកាលពីចុងខែមុនថាគាត់នឹងចុះចេញពីតំណែងនៅចុងបញ្ចប់នៃរដូវកាលនេះ។ ដូច្នេះហើយ កីឡាករសំខាន់ៗមួយចំនួនធំ ដូចជា De Jong នឹងមានអារម្មណ៍សោះកក្រោះជុំវិញករណីនេះ៕
ប្រភព៖ SportsMole
បាល់ទាត់៖ យោងទៅតាមកិច្ចសម្ភាស៍មួយជាមួយនឹង PSB Sport News-ព័ត៌មានកីឡា ក្រោយក្លឹបបាល់ទាត់ព្រះខ័ណ្ឌរាជ្យស្វាយរៀង ក្លាយជាម្ចាស់ជើងឯកពានរង្វាន់ ហ៊ុន សែនខាប់ កីឡាករ Nick Taylor ដែលធ្លាប់ប្រកបអាជីពនៅលីកអាមេរិក បានសារភាពសារភាព បាល់ទាត់នៅក្នុងប្រទេសកម្ពុជា ដែលប្រទេសកំណើតរបស់ខ្លួន ហាក់បីមិនសូវមានភាពខុសប្លែងគ្នាច្រើនឡើយជាមួយនឹងបាល់ទាត់នៅប្រទេសអាមេរិក ដែលខ្លួនធ្លាប់បានចំណាយជាច្រើនឆ្នាំនៅទីនោះ៕អត្ថបទកំពុងចាប់អារម្មណ៍៖ Nick Taylor ថាការប្រកួតប្រជែងនៅ កម្ពុជា និងនៅអាមេរិក គឺមិនសូវមានភាពសុខប្លែកគ្នាច្រើនឡើយ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
