Liverpool អាច​នឹងធ្លាក់​ចេញ​ពីចំណាត់ថ្នាក់កំពូលតារាង Premier League នៅថ្ងៃសៅរ៏នេះនៅពេលដែលពួកគេបើកទ្វារកីឡាដ្ឋានAnfield ដើម្បីទទួលក្រុមភ្ញៀវ Burnley នៅ​វេលាម៉ោង ១០យប់នេះ។ផ្លូវឆ្ពោះទៅការឈ្នះពាន៤របស់ Liverpool សម្រាប់ជាកាដូដល់លោក Klopp នៅរដូវកាល ជុងក្រោយ ហាក់ដូចជាត្រូវបានបង្អាក់ដំណើរបន្ទាប់ពីពួកគេបានចាញ់ក្រុមម្ចាស់ផ្ទះកាំភ្លើងធំ Arsenal ដោយលទ្ធផល ៣ទល់និង១កាលពីចុងសប្តាហ៍មុន ខណៈក្រុមលោក Vincent Kompany បានវាយបកពីលទ្ធផលនាំមុខដោយគូបដិបក្ស ២ទល់និ០ ដើម្បីរកបាន១ពិន្ទុពីក្រុម Fulham ក្នុងលទ្ធផលស្មើ ២ទល់និង២វិញ។ ៦ប្រកួតចុងក្រោយនៅក្របខណ្ឌ EPL របស់ Liverpool គឺឈ្នះ៤ស្មើ១និងចាញ់១ ខណៈ Burnley ឈ្នះ១ស្មើ២ និង ចាញ់៣ឈរនៅលេខរៀងទី ១៩បាតតារាង។ Liverpool បច្ចុប្បន្នឈរនៅលេខរៀងទី១ដោយមានគម្លាតត្រឹមតែ២ពិន្ទុប៉ុណ្ណោះពីក្រុម Man.City ដូច្នេះប្រសិនជា Man.CIty ដែលលេងនៅម៉ោង ៧:៣០អាចយកឈ្នះ Everton ពួកគេនិងឈរនៅលេខរៀងទី១បណ្តោះអាសន្នមុនពេលរង់ចាំលទ្ធផលរវាង Liverpool និង Burnley វិញ។

​​១.ប្រវត្តិជួបគ្នា
Liverpool បានឈ្នះ 8 ប្រកួតក្នុងចំណោម 10 ប្រកួតចុងក្រោយរបស់ពួកគេជាមួយនឹងក្រុម Burnley ក្នុងក្របខ័ណ្ឌ Premier League ហើយបានឈ្នះរាល់ការប្រកួត4ដងចុងក្រោយរបស់ពួកគេជាមួយនឹងពិន្ទុសរុប 8-0 ។
Burnley បានឈ្នះតែមួយប្រកួតគត់ក្នុងចំណោម 9 ប្រកួតចុងក្រោយរបស់ពួកគេនៅក្រៅផ្ទះទល់នឹង Liverpool ក្នុងក្របខ័ណ្ឌ Premier League ហើយបានចាញ់ 6 ប្រកួតក្នុងចំណោមការប្រកួតទាំងនេះ។
២.ពត៌មានក្រុមLiverpool(ម្ចាស់ផ្ទះ)
Liverpool ហាក់​នឹង​គ្មាន​កីឡាករ​យ៉ាង​ហោច​ណាស់​ប្រាំមួយ​នាក់​សម្រាប់​ការ​ស្វាគមន៍​ក្រុម Burnley នៅ​ថ្ងៃ​សៅរ៍ នេះ​ខណៈខ្សែការរពារអន្តរជាតិ បារាំង Ibrahima Konate ត្រូវរងការព្យួរ ក្រោយត្រូវ​បាន​បណ្តេញ​ចេញពេលចាញ់ Arsenal កាល​ពី​ចុង​សប្តាហ៍​មុន។រីឯកីឡាករដែល កាក់កប និងបញ្ហារបួសគឺ Thiago Alcantara បាន​ជួប​បញ្ហារបួសរសៃពួរសាច់ដុំ ហើយ​នឹង​ខកខាន​ការ​ប្រកួត​នេះបន្តទៀត។រីឯខ្សែប្រយុទ្ធអន្តរជាតិអ៊ុយរូហ្គាយ Darwin Nunez អាចនិងចាប់ផ្តើមនៅទីនេះ។
-ជម្រើស១១នាក់ដំបូងអាចនិងចូលលេងAlisson; Alexander-Arnold, Quansah, Van Dijk, Robertson; Jones, Endo, Mac Allister; Jota, Nunez, Diaz​
-ទម្រង់លេងអាចនិងយកមកប្រើប្រាស់៤-៣-៣

៣.ពត៌មានក្រុមBurnley(ភ្ញៀវ)
Burnley អាច​នឹង​គ្មាន​កីឡាករ​ដល់​ទៅ​ប្រាំ​នាក់​សម្រាប់​ការ​ធ្វើ​ដំណើរ​ទៅ​កាន់ Anfield។David Datro Fofana គួរតែស្ថិតក្នុងជួរសម្រាប់ការចាប់ផ្តើម Burnley ជាលើកដំបូងរបស់គាត់ បន្ទាប់ពីស៊ុតបញ្ចូលទីបានពីរគ្រាប់ពីការលេងជាកីឡាករបម្រុងទល់នឹង Fulham កាលពីប្រកួតចុងក្រោយ។
-ជម្រើស១១នាក់ដំបូងអាចនិងចូលលេងTrafford; Assignon, O’Shea, Esteve, Vitinho; Gudmundsson, Berge, Brownhill, Odobert; Datro Fofana, Foster
-ទម្រង់លេងអាចនិងយកមកប្រើប្រាស់៤-៤-២​
៤.លទ្ធផលទស្សន៍ទាយសម្រាប់ការប្រកួតគូនេះគឺLiverpool ២ :១ Burnley
ប្រភព:whoscored &sportskeeda&sportsmole