(អង់គ្លេស)៖ យោងតាមគេហទំព័រ Football Insider ក្លឹបបិសាចក្រហម Manchester United ត្រូវបានគេរាយការណ៍ថា កំពុងសង្ឃឹមយ៉ាងមុតមាំ និងមិនមានការព្រួយបារម្ភលើប្រធានក្រុម Bruno Fernandes ក្នុងការផ្ទេរទៅកាន់ Saudi Pro League ឡើយ បើទោះបីជាមានពាក្យចចាមអារាមជាច្រើន ជុំវិញការផ្តល់សំណើដ៏ធំសម្បើមពីសំណាក់ក្លឹបនៅមជ្ឈិមបូព៌ា ដើម្បីល្បួងយកតារាឆ្នើមព័រទុយហ្កាល់រូបនេះក៏ដោយចុះ។
ដោយកាន់កិច្ចសន្យារហូតដល់ឆ្នាំ ២០២៦ ដែលមានប្រសិទ្ធភាពដល់ឆ្នាំ ២០២៧ និងជម្រើសបន្ថែមរយៈពេល ១២ខែ ដែលពួកគេមាននោះ Man United មិនចាំបាច់មានការព្រួយបារម្ភអំពីការចាកចេញរបស់ប្រធានក្រុមពួកគេនោះទេ។ រំលឹកដែរថា ក្លឹប Al-Hilal ទទួលបានការចាប់អារម្មណ៍ខ្លាំងបំផុតចំពោះ Fernandes នៅពេលដែលពួកគេកំពុងឈរនៅកំពូលតារាងនៃលីគអារ៉ាប់។
ខ្សែបម្រើកណ្តាល Ruben Neves ដែលជាមិត្តរួមជាតិព័រទុយហ្គាល់របស់ Bruno កំពុងស្នាក់នៅ Al Hilal ខណៈដែលតារាឆ្នើម Cristiano Ronaldo មានឈ្មោះលេចធ្លោនៅ Al-Nassr ។ ទោះជាយ៉ាងណាក៏ដោយ Bruno នៅតែជាកីឡាករដ៏សំខាន់នៅក្នុងផែនការរបស់លោក Erik ten Hag ដោយរូបគាត់តែងតែជឿជាក់លើសមត្ថភាពរបស់ Bruno៕
ប្រភព៖ SportsMole
បរទេសៈ វីរបុរសរបស់ក្រុម Leicester City គឺ Jamie Vardy នឹងចាកចេញពីក្រុមចុងបញ្ចប់រដូវកាល ២០២៤ ២០២៥ នេះ បន្ទាប់ពីចំណាយពេលអស់រយៈពេល១៣ឆ្នាំ និងអាចរកបានជិត ២០០គ្រាប់ឲ្យក្លឹបមួយនេះ។អត្ថបទកំពុងចាប់អារម្មណ៍៖ Vardy ប្រកាសចាកចេញពី Leicester នឹងរំពឹងមើលសំណើរពីក្លឹបនៅបរទេសវិញ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស បច្ចុប្បន្ន Vardy មានវ័យ៣៨ឆ្នាំ កំពុងសម្លឹងរកទីតាំងដើម្បីទទួលយកបទពិសោធន៍ថ្មីបន្តទៀតក្នុងវិស័យបាល់ទាត់ មុនចូលនិវត្តន៍ ខណៈបច្ចុប្បន្នមានរបាយការណ៍នាក្លឹបមកពីអាមេរិក និងអារ៉ាប់ បានទាក់ទៅកាន់ភ្នាក់ងាររបស់គេរួចជាស្រេច។ ទោះបីជាយ៉ាងណាមិញ Saudi Arabia League មានច្បាប់ដ៏តឹងរឹងមួយ ដោយកីឡាករមិនអាចប្រើប្រាស់សំណើរដទៃ ដើម្បីទាមទារបានប្រាក់ឈ្នួលកាន់តែខ្ពស់នោះទេ បើមិនដូច្នោះទេរូបគេនឹងជាប់ពិន័យ។ Vardy នឹងលេងការប្រកួតចុងក្រោយនៅថ្ងៃទី១៨ខែក្រោយក្នុងជំនួបទល់នឹង Ipswich Town។ គួររំលឹកថា Vardy ក៏ធ្លាប់បានបដិសេធសំណើរពីលីកអារ៉ាប់ម្តងផងដែល ដោយសារតែបញ្ហាក្រុមគ្រួសារ, ប៉ុន្តែបច្ចុប្បន្នរូបគេបើកទទួលគ្រប់សំណើរទាំងអស់៕
