ជំនួបដែលក្រុមញញួរធំWest Ham United សម្លឹងចង់រកឃើញជ័យជំនះនៅក្របខ័ណ្ឌ Premier League ពីរដងលើក្រុម Man. United ក្នុងរយៈពេល ១៧ ឆ្នាំលើក្រុម West Ham គឺការធ្វើដំណើរទៅកាន់ភាគខាងជើងដើម្បីតទល់នឹងក្រុមបិសាចក្រហមក្នុងព្រឹត្តិការណ៍ Premier League នៅថ្ងៃអាទិត្យនេះវេលាម៉ោង ៩យប់នេះ។
ការប្រកួតចុងក្រោយរបស់ក្រុមលោក Erik ten Hag បានយកឈ្នះ ៤ទល់និង៣ ដ៏ច្របូកច្របល់លើក្រុម Wolverhampton Wanderers នៅពាក់កណ្តាលសប្តាហ៍ ខណៈដែលក្រុមញញួរធំបានត្រឹមតែស្មើIrons និង Bournemouth ១ ទល់ ១ ។ ៦ប្រកួតចុងក្រោយរបស់ Man.Utd គឺឈ្នះ២ស្មើ២និងចាញ់២ បច្ចុប្បន្នកំពុងឈរនៅលេខរៀងទី ៨ ខណៈ West Ham ៦ប្រកួតចុងក្រោយគឺឈរនៅលេខរៀងទី៦។

១.ប្រវត្តិជួបគ្នា
ក្រុម West Ham United បានបរាជ័យក្នុងការផ្តួលក្រុម Manchester United ក្នុងការប្រកួតក្រៅដី ១៥ លើកចុងក្រោយនៅ Premier League របស់ពួកគេ។
បន្ទាប់ពីទទួលបានជ័យជម្នះ ២-0 លើក្រុម Manchester United នៅកីឡដ្ឋាន London Stadium ក្នុងខែធ្នូ ក្រុម West Ham ចង់ឈ្នះលីកពីរដងលើក្រុមបិសាចក្រហមគិតចាប់តាំងពីធ្លាប់ធ្វើបាននិងខកខានចាប់តាំងពីរដូវកាល ២០០៦-២០០៧។

២.ពត៌មានក្រុមMan.Utd(ម្ចាស់ផ្ទះ)
Victor Lindelof និង Aaron Wan-Bissaka អាច​មាន​សមត្ថភាព​គ្រប់គ្រាន់​ក្នុង​ការ​បង្ហាញខ្លួនជម្រើសដំបូង​នៅ​ថ្ងៃ​អាទិត្យនេះ។Sofyan Amrabat ត្រលប់មកក្លឹបវិញបន្ទាប់ពីម៉ារ៉ុកធ្លាក់ចេញពី AFCON ។រីឯ Anthony Martial, Tyrell Malacia និង Mason Mount សុទ្ធតែនៅរងរបួសមិនទាន់អាចចូលលេងបានទេ។
-ជម្រើស១១នាក់ដំបូងអាចនិងចូលលេង Onana; Dalot, Varane, Martinez, Shaw; Mainoo, McTominay; Antony, Fernandes, Rashford; Hojlund
-ទម្រង់លេងអាចនិងយកមកប្រើប្រាស់ ៤-២-៣-១

៣.ពត៌មានក្រុមWest Ham(ភ្ញៀវ)
Vladimir Coufal អាចលេងនៅខ្សែការពារស្តាំ រីឯ Nayef Aguerd បានត្រលប់មកវិញបន្ទាប់ពីកាតព្វកិច្ចនៅ AFCON ខណៈ Lucas Paqueta និង Michail Antonio អវត្តមានដោយសាររបួស។
-ជម្រើស១១នាក់ដំបូងអាចនិងចូលលេងAreola; Coufal, Aguerd, Zouma, Emerson; Soucek, Alvarez; Kudus, Ward-Prowse, Cornet; Bowen
-ទម្រង់លេងអាចនិងយកមកប្រើប្រាស់ ៤-៣-២-១
៤.លទ្ធផលទស្សន៍ទាយសម្រាប់ការប្រកួគូនេះគឺ Man.Utd ២ : ១ West Ham
ប្រភព:whoscored &sportskeeda&sportsmole