(អង់គ្លេស)៖ របាយការណ៍ថ្មីមួយបានបង្ហាញថា ក្លឹបមេឃខៀវ Manchester City បានកំណត់អត្តសញ្ញាណអ្នកជំនួសខ្សែបម្រើ Kalvin Phillips ប៉ុន្តែអាចប្រឈមមុខនឹងការប្រកួតប្រជែងពីសំណាក់ក្លឹបហង្សក្រហម Liverpool ដែលម្នាក់នោះគឺជាខ្សែបម្រើការពារ Alan Varela សញ្ជាតិអាហ្សង់ទីន នេះបើតាមការចុះផ្សាយរបស់សារព័ត៌មានអាមេរិកខាងត្បូង Bolavip។ គួរកត់សម្គាល់ថា Varela បានលេចមុខជាកីឡាករដ៏សំខាន់សម្រាប់ក្លឹប Porto នៅលីគប្រទេសព័រទុយហ្គាល់ និងមានក្លឹបដទៃជាច្រើនទៀតកំពុងបង្ហាញចំណាប់អារម្មណ៍ខ្ពស់ផងដែរ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
គួរបញ្ជាក់ផងដែរថា ខ្សែបម្រើវ័យ ២២ឆ្នាំ មានតម្លៃផ្ទេរប្រមាណ ៦០លានផោន បើទោះជារាងថ្លៃបន្តិចមែន ប៉ុន្តែក្លឹបយក្សទាំង២ ក៏មិនបោះបង់ និងកំពុងតាមប្រមាញ់ប្រជែងដេញថ្លៃគ្នាយ៉ាងស្វិតស្វាញ។ បន្ថែមពីនេះ Liverpool មានលុយទុកសាគួរស្រាប់ ដើម្បីចែចូវ ហើយមួយវិញទៀតកាលពីរដូវកាលមុន Liverpool បានដេញថ្លៃបរាជ័យលើ Moises Caicedo និង Romeo Lavia ខណៈរដូវកាលនេះទំនងជាក្លឹបមិនឲ្យរបូតម្តងទៀតនោះទេ៕
ប្រភព៖ SPORTBIBLE & TEAMTALK
