បរទេស៖ ក្លឹបបិសាចក្រហម Manchester United ត្រូវបានគេរាយការណ៍ថា ត្រៀមរកចំណូលឲ្យបាន១០០លានផោនពីការលក់កីឡាកររបស់ខ្លួននៅទីផ្សារដោះដូររដូវក្តៅ។ ក្លឹបបិសាចក្រហមបានចំណាយដល់ទៅ១៧០លានផោនក្នុងការចុះកុងត្រាលើកីឡាករ៥នាក់កាលពីរដូវក្តៅមុន ដែលមានដូចជា Rasmus Hojlund, Mason Mount និង Andre Onana ជាដើម។ ទោះបីជាយ៉ាងណាមិញ បើយោងទៅតាមរបាយការណ៍ដែលចុះផ្សាយដោយ i news បានចុះផ្សាយថា ក្លឹប Man United បានដាក់គោលដៅរបស់ខ្លួនក្នុងរុះរើឈុតធំ ដោយការជម្រុះកីឡាករមួយចំនួនចេញ។ របាយការណ៍ខាងលើបានបន្ថែមថា Mason Greenwood ដែលបច្ចុប្បន្នកំពុងលេងនៅ Getafe ក្នុងលក្ខខណ្ឌខ្ចីជើងគឺជាកីឡាករដែលប្រឈមនឹងការដាក់លក់មុនគេ ដោយខ្សែប្រយុទ្ធរូបនេះបច្ចុប្បន្នមានតម្លៃខ្លួន៤០លានអឺរ៉ូ ដោយរូបគេបានទទួលការចាប់អារម្មណ៍ពីក្លឹបធំៗដូចជា Barcelona, Real Madrid, AT Madrid និង Valencia ខណៈរូបគេមានភាគរយតិចខ្លាំងណាស់ដែលអាចវិលត្រលប់ទៅកាន់ក្រុម Man Utd វិញ។
ខ្សែបម្រើ Scott Mctominay ក៏ត្រូវបានគេរំពឹងថា ក្លឹប Man Utd កំពុងស្វែងរកកីឡាករជំនួសផងដែល ខណៈក្លឹប West Ham United បានបង្ហាញចំណាប់អារម្មណ៍លើខ្សែបម្រើរូបនេះជាខ្លាំង។ លើសពីនេះកីឡាករឆ្នើមៗដូចជា Casemiro, Antony, Jadon Sancho និង Aaron Wan-Bissaka សុទ្ធតែប្រឈមនឹងការលក់ចេញដោយក្លឹប ខណៈក្លឹបជាច្រើននៅអារ៉ាប់បានបង្ហាញចំណាប់អារម្មណ៍លើកីឡាករទាំងអស់នេះ៕
គាំទ្រគុនខ្មែរជាមួយគ្រុឌ!ក្រឡែកមើលប្រវត្តិការប្រកួតកីឡាករក្នុងប្រភេទគីឡូ 57kg ថាតើទម្រាំពួកគាត់មកដល់វគ្គផ្តាច់ព័ត្រនេះ តើកីឡាករទាំងអស់ត្រូវឆ្លងកាត់ឧបសគ្គអ្វីខ្លះ ដើម្បីបានគ្រងខ្សែក្រវាត់ KRUD KUN KHMER? រវាង ធន់ ផានិត Kun Khmer និង អ៊ូច ធារិទ្ធ តើអ្នកណានឹងក្លាយជាម្ចាស់ខ្សែក្រវាត់គ្រុឌ ក្នុងប្រភេទគីឡូ 57kg នេះ? ជួបគ្នានៅ ថ្ងៃទី ៤-៥ ខែឧសភា ២០២៤ នៅស្រុកបវិល ខេត្តបាត់ដំបង ចាប់ពីម៉ោង 6:30 ល្ងាចតទៅ! អត្ថបទកំពុងចាប់អារម្មណ៍៖ ក្លឹបនៅ Premier League ៣ មានចំណាប់អារម្មណ៍លើខ្សែបម្រើឆ្នើម Leicester City រូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស