បរទេស៖ ក្លឹបបិសាចក្រហម Manchester Unied ត្រូវបានគេរាយការណ៍ថា បានសម្រេចមិនចុះកុងត្រាលើខ្សែប្រយុទ្ធឆ្នើមរបស់ក្លឹប Al Ittihad គឺ Karim Benzema នៅខែមករានេះឡើយ។ បន្ទាប់ពីចំណាយពេល១៤ឆ្នាំជាមួយនឹងក្រុម Real Madrid ខ្សែប្រយុទ្ធសញ្ជាតិបារាំងរូបនេះបានធ្វើការសម្រេចចិត្តផ្ទេរទៅកាន់ក្លឹប Al Ittihad ក្នុងនាមជាកីឡាករដែលគ្មានតម្លៃខ្លួន។ អំឡុងពេលដ៏ខ្លីរបស់គាត់ជាមួយនឹងក្រុមនៅ Saudi Pro League ខ្សែប្រយុទ្ធឆ្នើមរូបនេះអាចរកបាន៩គ្រាប់ និងបញ្ជូនបាល់ឲ្យមិត្តរួមក្រុមបាន៥ដងក្នុងការបង្ហាញខ្លួន១៥ដងនៅ Saudi Pro League។
ទោះបីជាយ៉ាងណាមិញ បច្ចុប្បន្នមានរបាយការណ៍បានចុះផ្សាយថា Karim Benzema កំពុងសម្លឹងមើលចាកចេញពីក្រុម Al Ittihad បើទោះនេះគ្រាន់តែជារដូវកាលដំបូងរបស់គេនៅទីនោះក៏ដោយ។ ខណៈបច្ចុប្បន្នខ្សែប្រយុទ្ធរូបនេះបានផ្សារភ្ជាប់ទៅនឹងក្លឹបល្បីៗដូចជា Chelsea, Arsenal និង Man Utd ។ ប៉ុន្តែបើតាមរបាយការណ៍ថ្មីៗនេះបានចុះផ្សាយថា ក្រុម Manchester United បានដកខ្លួនចេញពីការប្រជែងនេះហើយ ក្រោមមូលហេតុថា ប្រាក់ឈ្នួលរបស់ខ្សែប្រយុទ្ធវ័យ៣៨ឆ្នាំរូបនេះខ្ពស់ពេក ដោយរូបមានប្រាក់ឈ្នួលដល់ទៅ៨៦លានផោនក្នុងមួយឆ្នាំ៕
(អង់គ្លេស)៖ គ្រូបង្វឹកថ្មីក្រុមបិសាចក្រហម Manchester United បានទទួលបន្ទុកនៅក្នុងការហ្វឹកហាត់ជាលើកដំបូងរបស់លោកក្នុងអំឡុងពេលសម្រាកអន្តរជាតិ។ លោក Amorim មានវ័យ ៣៩ឆ្នាំ បានមកដល់មជ្ឈមណ្ឌលបណ្តុះបណ្តាល Carrington របស់ក្លឹបកាលពីថ្ងៃច័ន្ទមកម្លេស។ ជាលទ្ធផល កីឡាករថ្នាលយុវជនជាច្រើនបានចូលរួមហ្វឹកហាត់។អត្ថបទកំពុងចាប់អារម្មណ៍៖ ហ្វេន Real ទទូចឲ្យក្លឹបដាក់ Mbappe លេងទម្រង់នេះវិញ ក្រោយផ្ទុះវីដេអូនៅពេលហ្វឹកហាត់ (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា កីឡាករមួយចំនួនធំងាយស្រួលយល់ពីទម្រង់លេងរបស់លោក Amorim ភ្លាម ដោយកីឡាករខ្លះដាក់ឈ្មោះហៅក្រៅឲ្យគាត់ថា ” Mourinho 2.0 ” ក៏ព្រោះតែយុទ្ធសាស្រ្ត និងរបៀបបង្វឹករបស់គាត់ ដូចកាលលោក Jose Mourinho នៅដឹកនាំដែរ៕ ប្រភព៖ SPORTbible
