(អេស៉្បាញ)៖ យោងតាមកាសែត The Sun បានចុះផ្សាយថា Mason Greenwood របស់ក្រុមបិសាចក្រហម Manchester United បានប្រាប់ទីប្រឹក្សារបស់ខ្លួនថា ក្លឹបអ្នកមានបុណ្យ Barcelona គឺជាក្លឹបដែលខ្ញុំប្រាថ្នាចង់ផ្លាស់ទៅលេង ចំពេលក្លឹបកាតាឡាន Barcelona ក៏ចង់ចុះហត្ថលេខាលើ Greenwood ផងដែរ។ ក្រៅពី Barcelona ក្លឹបនៅអេស៉្បាញ Valencia និង Real Sociedad ក៏កំពុងដុតដៃដុតជើងក្នុងប្រជែងយកខ្សែប្រយុទ្ធស្លាបរូបនេះដូចគ្នា។

គួរកត់សម្គាល់ថា គ្រូបង្វឹក Man Utd លោក Erik ten Hag តែងតែចង់រក្សា Greenwood ប៉ុន្តែមិនស្ថិតនៅក្នុងផែនការរបស់គាត់នោះទេ។ គួរបញ្ជាក់ផងដែរថា ចាប់តាំងពីចូលរួមជាមួយក្លឹប Getafe កីឡាករវ័យ ២២ឆ្នាំ រូបនេះបានបង្ហាញខ្លួន ១៩ដងនៅគ្រប់ការប្រកួតទាំងអស់ ដោយស៊ុតបញ្ចូលទីបាន ៥គ្រាប់ និងបញ្ជូនបាល់ឱ្យមិត្តរួមក្រុមបាន ៤គ្រាប់៕

ប្រភព៖ sportbible