(បរទេស)៖ យោងតាមសារព័ត៌មានបារាំង Foot Mercato បានឱ្យដឹងថាតារាឆ្នើមព័រទុយហ្កាល់ Cristiano Ronaldo បានពិភាក្សាប្រាប់ក្លឹប Al Nassr ឱ្យធ្វើអ្វីគ្រប់យ៉ាងដែលពួកគេអាចធ្វើបាន ដើម្បីនាំយកខ្សែបម្រើ Casemiro មកកាន់ទឹកដីប្រទេសអារ៉ាប៊ីសាអូឌីតឲ្យខាន់តែបាន។ ទន្ទឹមនឹងនេះដែរ Ronaldo និង Casemiro ពួកគេទាំងពីរគឺជាអតីតមិត្តរួមក្រុមដ៏ជិតស្និតជាមួយគ្នា កាលពីនៅក្លឹបចាស់ Real Madrid និង Manchester United ខណៈពួកគេត្រូវបានអ្នកគាំទ្ររំពឹងខ្លាំងក្នុងការមករួមក្រុមនឹងគ្នាសារជាថ្មីម្តងទៀត។

គួរកត់សម្គាល់ថា ចាប់តាំងពី Casemiro ចូលរួមជាមួយ Man United គាត់បានក្លាយជាផ្នែកមួយយ៉ាងសំខាន់នៃក្រុមរបស់អ្នកចាត់ការទូទៅលោក Erik ten Hag ។ ទោះជាយ៉ាងណាក៏ដោយ ខ្សែបម្រើសញ្ជាតិប្រេស៊ីលរូបនេះ បានជួបការលំបាកនៅដើមរដូវកាលនេះ ខណៈលោក Ten Hag នៅតែមានជំនឿចិត្តលើគាត់ខ្ពស់ ហើយការចាកចេញនៅក្នុងខែនេះអាចនឹងពិបាកបន្តិច៕

ប្រភព៖ sportbible