បរទេស៖ យោងទៅតាមសារព័ត៌មាន Daily Mail បានចុះផ្សាយថា Martial មិនបានហ្វឹកហាត់ជាមួយនឹងមិត្តរួមក្រុមឡើយ តាំងពីរូបគេបានឈឺក្រោយពីការប្រកួតទល់នឹងក្រុម Bournemouth កាលពីថ្ងៃទី០៩ខែធ្នូឆ្នាំ២០២៣។ យោងទៅតាមរបាយការណ៍ថា បានអះអាងថា កីឡាករជនជាតិបារាំងរូបនេះមិនមានបញ្ហារបួសអ្វីឡើយ ប៉ុន្តែកាយសម្បទារបស់គេនៅមិនទាន់ពេញលេញ១០០ភាគរយដែលជាហេតុធ្វើឲ្យលោក Ten Hag ឲ្យកីឡាកររូបនេះធ្វើការហ្វឹកហាត់ម្នាក់ឯងជាមុនសិន មុននឹងវិលត្រលប់មកហ្វឹកហាត់ពេលលេញជាមួយនឹងមិត្តរួមក្រុម។ ទោះបីជាយ៉ាងណាមិញ អនាគតរបស់ខ្សែប្រយុទ្ធរូបនេះនៅតែមិនទាន់មានភាពច្បាស់លាស់ ខណៈមានរបាយការណ៍ថា ក្លឹប Manchester United បានបើកទទួលនូវសំណើរពីក្លឹបផ្សេអៗសម្រាប់ខ្សែប្រយុទ្ធរូបនេះនៅក្នុងខែមករានេះ ទន្ទឹមពេលដែលកិច្ចសន្យារបស់គេនៅផុតសុពលភាពនៅពេលចុងបញ្ចប់រដូវកាលនេះ ហើយក៏មានការរំពឹងថា ក្លឹប Man Utd នឹងមិនផ្តល់កុងត្រាថ្មីឲ្យខ្សែប្រយុទ្ធរូបនេះឡើយ៕
