បរទេស៖ ក្លឹបបាល់ទាត់ដែលទើបតែឡើងមកពីក្របខណ្ឌ Championship គឺ Southampton បានបង្ហាញចំណាប់អារម្មណ៍លើការខ្ចីជើងកីឡាករវ័យក្មេងរបស់ក្លឹបបិសាចក្រហម Manchester United គឺ Amad Diallo ។ ខ្សែប្រយុទ្ធវ័យក្មេងរូបនេះបានចំណាយរដូវកាល២០២២-២៣ជាមួយនឹងក្រុម Sunderland ដោយអាចរកបាន១៤គ្រាប់ និងបញ្ជូនបាល់ឲ្យមិត្តរួមក្រុមបាន៤ដង និងបានជួយឲ្យក្រុម Sunderland ឡើងដល់វគ្គ playoff ផងដែរ។ Diallo បានចំណាយពេល pre-season របស់ខ្លួនជាមួយនឹងក្រុម Manchester United ក្រោមការដឹកនាំរបស់លោក Erik Ten Hag ប៉ុន្តែរូបគេត្រូវបានដកចេញវិញ ដោយសារតែបញ្ហារដូវកាលជង្គង់កាលពីរដូវក្តៅ និងបានធ្វើឲ្យរូបគេអវត្តមានអស់ពាក់កណ្តាល់រដូវកាលនេះ។ អតីតយុវជនថ្នាល់របសក្រុម Atalanta រូបនេះបានធ្វើការបង្ហាញជាលើកដំបូងរបស់ខ្លួនម្តងទៀតនៅរដូវកាលនេះក្នុងជំនួប២-១ចាញ់ក្រុម Nottingham Forest កាលពីថ្ងៃទី៣០ ប៉ុន្តែរូបគេបានបន្តអវត្តមានទល់នឹងក្រុម Wigan Athletic និង Tottenham Hotspur ដោយសារតែបញ្ហាសុខភាព។ ជាមួយនឹង Antony, Alejandro Garnacho និង Marcus Rashford សុទ្ធសឹងតែស្ថិតនៅតំណែងពីមុខ Amad វាមានន័យថា ខ្សែប្រយុទ្ធវ័យក្មេងរូបនេះស្វែងរកទ្រនំថ្មីរបស់ខ្លួនបណ្តោះអាសន្ននៅខែមករានេះ។ យោងទៅតាមសារព័ត៌ាមន GiveMeSport បានចុះផ្សាយថា Southampton បានកំពុងសិក្សាអំពីលទ្ធភាពក្នុងការចុះកុងត្រាលើខ្សែបម្រើប្រយុទ្ធរូបនេះមុនទីផ្សារដោះដូរត្រូវបានបិទបញ្ចប់៕
