(បរទេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានបញ្ជាក់អះអាងថា ខ្សែការពារ Álvaro Fernández របស់ក្រុមបិសាចក្រហម Manchester United បានបញ្ចប់កិច្ចព្រមព្រៀងសម្រេចផ្លាស់ទៅក្រុម Benfica លេងនៅលីគកំពូលប្រទេសព័រទុយហ្កាល់ ក្នុងលក្ខខណ្ឌខ្ចីជើងរហូតដល់ខែមិថុនា ជាមួយនឹងឃ្លាជម្រើសទិញផ្តាច់ លើតម្លៃខ្លួន ៦លានអឺរ៉ូ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
លើសពីនេះ បើចង់ឲ្យកុងត្រាក្លាយជាអចិន្ត្រៃយ៍ កីឡាករវ័យ ២០ ឆ្នាំរូបនេះ ត្រូវតែបានចូលលេងយ៉ាងហោចណាស់ ៥០% នៃការប្រកួតផ្លូវការនៅ Benfica ក្នុងជម្រើស១១នាក់។ គួរជម្រាបផងដែរថា Fernandez បានចូលរួមជាមួយ Granada ក្នុងលក្ខខ័ណ្ឌខ្ចីជើងពេញមួយរដូវកាលក្នុងទីផ្សារដោះដូរកីឡាករកាលពីរដូវក្តៅ ដោយលេងជម្រើសដំបូងបានតែ ៥ដងប៉ុណ្ណោះ។ ក្នុងករណីនេះ បានធ្វើឲ្យ Man Utd បើកការពិភាក្សាលើការខ្ចីជើងផ្ទេរទៅកាន់ក្លឹបថ្មី ដូច្នេះក្លឹប Benfica ជាជម្រើសដ៏សាកសមសម្រាប់ខ្សែការពារវ័យជំទង់រូបនេះ ក្នុងការវិវត្តន៍ខ្លួនឲ្យកាន់លេចធ្លោ នៅក្នុងវ័យបាល់ទាត់ពិភពលោក៕
ប្រភព៖ Fabrizio Romano & Manchester Evening New
