(អាហ្សង់ទីន)៖ អ្នកសារព័ត៌មានលើការផ្ទេរកីឡាករដ៏ជំនាញលោក Fabrizio Romano បានឲ្យដឹងថា គ្រូបង្វឹកលោក Lionel Scaloni ដែលបានដឹកនាំក្រុមជម្រើសជាតិអាហ្សង់ទីនគ្រងជើងឯកពិភពលោក World Cup ឆ្នាំ ២០២២ បានចេញមកបញ្ជាក់ថា រូបគាត់នឹងនៅបន្តធ្វើជាគ្រូបង្វឹកក្រុមពពកសអាហ្សង់ទីន។ ជាក់ស្តែងនៅក្នុងកិច្ចប្រជុំជាមួយប្រធានសហព័ន្ធ Tapia បានផ្តល់វិជ្ជមានអំពីលោក Scaloni ថានឹងមិនចាកចេញពីការងាររបស់គាត់ឡើយ បើទោះបីជាមានចចាមអារាមជាច្រើនក៏ដោយ ជុំវិញការលាលែងតំណែង។ ទន្ទឹមនឹងនេះលោក Scaloni នឹងក្លាយជាអ្នកចាត់ការអាហ្សង់ទីនយ៉ាងហោចណាស់រហូតដល់ចុងបញ្ចប់នៃពានរង្វាន់ Copa América ឆ្នាំ ២០២៤ ៕

ប្រភព៖ Fabrizio Romano