បរទេស៖ គ្រូបង្វឹករបស់ក្លឹបបិសាចក្រហម Manchester United លោក Erik Ten Hag ត្រូវបានគេរាយការណ៍បានកំពុងពិចារណាក្នុងការនាំយកអតីតកូនក្រុមរបស់លោកកាលនៅ Ajax គឺ Matthijs de Ligt ពីក្រុម Bayern Munich ទៅកាន់ក្រុម Manchester United នៅរដូវក្តៅខាងមុខនេះ។ ខ្សែការពារវ័យ២៤ឆ្នាំរូបនេះបានធ្វើការផ្ទេរទៅកាន់ក្រុម Bayern Munich ពី Juventus កាលពីរដូវក្តៅឆ្នាំ២០២២ ដោយតាំងពីពេលនោះមករូបគេបានបង្ហាញខ្លួន៥៥ដង និងអាចរកបាន៤គ្រាប់ផងដែរ ក្នុងនាមជាខ្សែការពារ។ De Ligt ជាផ្នែកដ៏សំខាន់សម្រាប់លោក Julian Nagelsmann កាលពីរដូវកាលមុន ប៉ុន្តែរូបបែរជួបប្រទះបញ្ហាមិនសូវបានបង្ហាញវត្តមានក្រោមការដឹកនាំរបស់លោក Thomas Tuchel ដែលគ្រូបង្វឹកនាពេលបច្ចុប្បន្ននេះ។ គួររំលឹកផងដែលថា ខ្សែការពារវ័យក្មេងរូបនេះតែងតែជាផ្នែកដ៏សំខាន់សម្រាប់ក្រុមជម្រើសជាតិហូឡង់ ដោយបានបង្ហាញខ្លួនចំនួន៤៣ដង តាំងពីឆ្នាំ២០១៧មក។ ហើយបើយោងទៅតាម Fichajes បានចុះផ្សាយថា ក្រុម Manchester United ដែលបច្ចុប្បន្នអតីតនាំដោយអតីតគ្រូបង្វឹករបស់គេគឺលោក Erik Ten Hag បានបង្ហាញអំពីចំណាប់អារម្មណ៍ក្នុងនាំយកខ្សែការពារឆ្នើមរូបនេះមកកាន់ Old Trafford ជាខ្លាំងសម្រាប់យុទ្ធនាការឆ្នាំ២០២៣/២៤៕
(អង់គ្លេស)៖ យោងតាមគេហទំព័រ Football Insider បានឱ្យដឹងថា ក្លឹបតោខៀវ Chelsea បានត្រៀមខ្លួនលក់កីឡាកររបស់ខ្លួន ៤រូប មានដូចជា Ian Maatsen, Trevoh Chalobah, Armando Broja និង Conor Gallagher ដើម្បីស្តារជំហរហិរញ្ញវត្ថុរបស់ពួកគេ និងរក្សាតំណែងខ្សែការពារឆ្នើម Levi Colwill នៅរដូវក្តៅនេះផងដែរ។អត្ថបទកំពុងចាប់អារម្មណ៍៖ Prediction: Arsenal ត្រូវបន្តសាកល្បងសមត្ថភាពជាមួយ Tottenham ដើម្បីរក្សាចំណាត់ថ្នាក់កំពូលតារាង សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ជាមួយគ្នានេះផងដែរ Liverpool បានព្យាយាមចុះហត្ថលេខាលើ Colwill ខណៈឥឡូវនេះហង្សក្រហមអាចនឹងមិនចុះហត្ថលេខាលើខ្សែការពារវ័យ ២១ឆ្នាំរូបនេះបានដោយជោគជ័យនោះទេ ស្របពេល Joel Matip ទំនងជានឹងចាកចេញពីទឹកដី Anfield ក្នុងរដូវកាលនេះផងដែរ។ សរុបមកវិញ ការចាកចេញរបស់កីឡាករ Chelsea ទាំង៤រូបនេះ អាចជាការសម្រេចដ៏ត្រឹមត្រូវដែរឬទេ ក៏ព្រោះថាពួកគេសុទ្ធសឹងតែជាកីឡាករកំពុងតែវិវត្តន៍បានយ៉ាងល្អ គួរឲ្យកត់សម្គាល់៕ ប្រភព៖ SportsMole
