បរទេស៖ ក្លឹបយក្សនៅអង់គ្លេស Manchester United ត្រូវបានគេរំពឹងថា កំពុងសិក្សាអំពីលទ្ធភាពក្នុងកុងត្រាលើខ្សែប្រយុទ្ធឆ្នើមរបស់ក្លឹបនៅ Arabia Saudi គឺ Karim Benzema ក្នុងលក្ខខណ្ឌខ្ចីជើងរហូតដល់ចប់រដូវកាលឆ្នាំ២០២៣-២៤នេះ។ ខ្សែប្រយុទ្ធឆ្នើមវ័យ៣៦ឆ្នាំរូបនេះបានចាកចេញពីក្លឹប Real Madrid ដោយគ្មានតម្លៃខ្លួនទៅកាន់ក្លឹប Al-Ittihad ហើយគិតមកទល់នឹងពេលនេះរូបគេបានបង្ហាញវត្តមានឲ្យក្លឹបនៅអារ៉ាប់មួយនេះបាន២០ដង និងរកបាន ១២គ្រាប់ ជាមួយនឹងការបញ្ជូនបាល់៥ដងឲ្យមិត្តរួមក្រុមបញ្ចប់ទីផងដែរ។ យ៉ាងណាមិញរដូវកាលនេះ Benzema រកបាន១៥គ្រាប់នៅ Saudi Pro League ប៉ុន្តែក្លឹប Al-Ittihad បានធ្លាក់ទៅកាន់លេខ៧ដោយមាន ២៥ពិន្ទុតាមពីក្រោយក្លឹបគូប្រជែងគឺ Al-Hilal ដែលកំពុងឈរនៅកំពូលតារាង។ យ៉ាងណាមិញក្លឹប Al-Ittihad នឹងមានការប្រកួតឡើយរហូតដល់ខែកុម្ភៈ ខណៈអនាគតរបស់ Karim Benzema បានធ្លាក់ក្នុងមានមិនច្បាស់លាស់។ យោងទៅតាមអ្នការសែត Javier Parra Pena បានចុះផ្សាយថា ក្លឹបបិសាចក្រហម Manchester United បានកំពុងសម្លឹងមើលស្ថានភាព Karim Benzema ដោយពួកអាចនឹងសម្រេចខ្ចីជើងខ្សែប្រយុទ្ធរូបនេះទៅរហូតដល់ចប់រដូវកាលនេះ ដោយសារតែខ្សែប្រយុទ្ធទោលបច្ចុប្បន្នរបស់ពួកគេ Ramsus Hujlund ហាក់បីមិនសូវអាចរកគ្រាប់បាល់បាន ដូចការរំពឹងទុករបស់អ្នកគាំទ្រក្លឹប Manchester United ៕
