បរទេស៖ Anthony Martial ត្រូវបានគេរាយការណ៍ថាមិនចាប់អារម្មណ៍ក្នុងការចាកចេញពី Manchester United ក្នុងអំឡុងពេលទីផ្សារដោះដូរកីឡាករខែមករា ហើយបានច្រានចោលការចាប់អារម្មណ៍លើសេវាកម្មរបស់គាត់រួចហើយ។ កិច្ចសន្យារបស់កីឡាករសញ្ជាតិបារាំងនៅ Old Trafford នឹងត្រូវផុតកំណត់នៅចុងខែមិថុនា ហើយបិសាចក្រហមបានបដិសេធជម្រើសក្នុងការបន្ត 12 ខែទៀត លើកិច្ចព្រមព្រៀងរបស់គាត់ដែលគាត់នឹងអាចស្នាក់នៅ Old Trafford រហូតដល់ខែមិថុនា ឆ្នាំ 2025 ។ Man United ត្រូវបានគេជឿថា នឹងបើកចំហសម្រាប់ក្លឹបផ្សេងៗ ក្នុងការផ្តល់សំណើរនាំយកខ្សែប្រយុទ្ធរូបនេះ នៅក្នុងខែមករានេះ ហើយបើយោងតាមសារព័ត៌មាន Sky Sports News ក្លឹប Fenerbahce និង Marseille បានបង្ហាញការចាប់អារម្មណ៍របស់ពួកគេ បន្ថែមពីលើសពីនេះក៏មានក្លឹបមកពី Saudi Pro League ផងដែរ។
ទោះបីជាយ៉ាងណាក៏ដោយ របាយការណ៍បានអះអាងថា អតីតកីឡាករវ័យក្មេងរបស់ Monaco មិនមានបំណងចាកចេញពី Old Trafford ក្នុងអំឡុងពេលទីផ្សាររដូវរងារនេះឡើយ ហើយគ្រោងនឹងបញ្ចប់រដូវកាលរបស់ខ្លួននៅ Old Trafford តែម្តង។ ថ្មីៗនេះ Man United ត្រូវបានគេនិយាយថា បានពិភាក្សាជាមួយ Martial និងភ្នាក់ងាររបស់គាត់អំពីអនាគតរបស់គាត់ ប៉ុន្តែវាត្រូវបានគេមើលឃើញថាទំនងជាមិនមានកិច្ចព្រមព្រៀងថ្មីសម្រាប់ខ្សែប្រយុទ្ធរូបនេះទេ។
