(អង់គ្លេស)៖ អ្នកគាំទ្រហង្ស្ឲក្រហម Liverpool កំពុងតែខឹងសម្បារនឹងអតីតកីឡាករក្រុមបិសាចក្រហម Andreas Pereira ចំពោះការប្រជែងប៉ះទង្គិចជាមួយប្រធានក្រុម Virgil van Dijk ហើយពួកគេថែមទាំងបានស្តីបន្ទោសដាក់អាជ្ញាកណ្តាលលោក David Coote ផងដែរ ក្រោយផ្តល់កាតលឿងទៅកាន់ Van Dijk។ លើសពីនេះ អ្នកគាំទ្រមួយចំនួន បានលើកឡើងថា អាកប្បកិរិយាដ៏អាម៉ាស់របស់កីឡាករ Pereira  ប្រៀបដូចទៅនឹង Neymar ដែលធ្លាប់បានរមៀលខ្លួននៅលើទីលានពេលទង្គិចនោះដែរ ដោយមើលទៅវាពិតជាគួរឲ្យអាម៉ាសខ្លាំងណាស់។

ទោះជាយ៉ាងណាក៏ដោយ Liverpool បានផ្តួលក្រុមភ្ញៀវ Fulham ក្នុងលទ្ធផល ២ទល់នឹង១ ក្នុងពាន EFL Cup វគ្គពាក់កណ្តាលផ្តាច់ព្រ័ត្រ ខណៈកីឡាករ Gakpo និង Jones ស៊ុតបញ្ចូលទីបានម្នាក់១គ្រាប់ឲ្យ Liverpool៕

ប្រភព៖ sportbible