បរទេស៖ សុបិន្តអាក្រក់របស់ខ្សែប្រយុទ្ធ Manchester United គឺ Jadon Sancho កំពុងតែខិតជិតឈានទៅដល់ទីបញ្ចប់ ទោះបីជារយៈពេលបណ្តោះអាសន្នក៏ដោយ ដោយកីឡាករវ័យ 23 ឆ្នាំរូបនេះនឹងត្រលប់ទៅប្រទេសអាល្លឺម៉ង់វិញក្នុងលក្ខខ័ណ្ឌខ្ចីជើងរហូតដល់ចប់រដូវកាល។
យោងទៅតាមរបាយការណ៍ពី talkSPORT បានអះអាងថា កិច្ចពិភាគ្សាចុងក្រោយគឺអាស្រ័យលើប្រាក់រង្វាន់ដែលទាក់ទងនឹងការបង្ហាញខ្លួន និងថា តើ Dortmund មានលក្ខណៈសម្បត្តិគ្រប់គ្រាន់សម្រាប់ការប្រកួត Champions League នៅរដូវកាលក្រោយដែរឬទេ។ គួររំលឹកផងដែលថា Sancho បានចុះហត្ថលេខាលើការផ្លាស់ប្តូរតម្លៃ 73 លានផោន ទៅកាន់ Old Trafford ពីក្លឹបយក្សនៅ Bundesliga នៅរដូវក្តៅឆ្នាំ 2021 ។ ដោយ Man United បានផ្តួលក្លឹបកំពូល ៗ ជាច្រើននៅអឺរ៉ុបដើម្បីចុះហត្ថលេខារបស់គាត់។
ប៉ុន្តែអ្វីដែលហាក់ដូចជាការផ្លាស់ប្តូរក្នុងក្តីស្រមៃសម្រាប់អតីតតារាយុវជន Manchester City បានក្លាយជាសុបិន្តអាក្រក់ ខណៈដែល Sancho រកបានត្រឹមតែ 12 គ្រាប់ប៉ុណ្ណោះក្នុងការបង្ហាញខ្លួន 82 លើកសម្រាប់បិសាចក្រហម។ ខ្សែប្រយុទ្ធជម្រើសជាតិអង់គ្លេសបានបង្ហាញខ្លួនតែ 3 ប្រកួតប៉ុណ្ណោះនៅរដូវកាលនេះដោយត្រូវបានបណ្តេញចេញពីក្រុមដំបូងចាប់តាំងពីការវាយប្រហារតាមប្រព័ន្ធផ្សព្វផ្សាយសង្គមលើអ្នកចាត់ការ Erik ten Hag កាលពីខែកញ្ញា៕
