(អង់គ្លេស)៖ កាល​ពីរាត្រីយប់មិញក្រុមហង្សក្រហម Liverpool បាន​អបអរឆ្នាំថ្មី ២០២៤ ដោយបានបំបាក់ក្រុមភ្ញៀវ Newcastle United បញ្ចប់ក្នុងលទ្ធផល ៤ទល់នឹង២។ កូនក្រុមរបស់លោក Klopp បានបង្ហាញភាពលេចធ្លោក្នុងអំឡុងពេលប្រកួត ដែលបានបង្កើតកំណត់ត្រាថ្មីនៅ Premier League ជាមួយនឹងការស៊ុតចំនួន ៣៤ជើង និងគិតរំពឹងទុកប្រហែល ៧.២៧គ្រាប់ ហើយវាបានបំបែកកំត្រាច្រើនបំផុតនៅ PL ចាប់តាំងពី Opta បានកត់ត្រាទិន្នន័យក្នុងឆ្នាំ ២០១០។

គួរជម្រាបដែរថា តារាឆ្នើមអេហ្ស៊ីប Mohamed Salah រកបាន២គ្រាប់ឲ្យ Liverpool ក្រោយស៊ុតបាល់ពិន័យ១១ម៉ែត្រ ដើមតង់ទី១ នាទីទី២២ មិនទទួលបានផ្លែផ្កា ស្របពេលខ្សែបម្រើ Curtiues Jones និងខ្សែប្រយុទ្ធ Cody Gakpo រកបានម្នាក់១គ្រាប់ផងដែរ។ ទន្ទឹមនឹងនេះ Liverpool កំពុងឈរនៅកំពូលតារាង មាន៤៥ពិន្ទុ លើសក្រុមលេខ២ Aston Villa ៣ពិន្ទុ រីឯក្រុមសារិកាព្រៃ Newcastle មាន២៩ពិន្ទុ នៅពាក់កណ្តាលតារាង PL៕

សូមទស្សនានូវវីដេអូ highlights ខាងក្រោម៖

ប្រភព៖ sportbible