អ្នកចាំទី Hugo Lloris បានសម្រេចចិត្តផ្លាស់ទៅចូលរួមជាមួយក្រុម Los Angeles FC នៅលីកកំពូលសហរដ្ឋអាមេរិក Major League Soccer ដោយ គ្មានតម្លៃផ្ទែរ ។អ្នកចាំទីជើងចាស់និងជាកាពីតែនក្រុមសញ្ជាតិបារាំងវ័យ ៣៧ ឆ្នាំរូបនេះបានចុះហត្ថលេខាលើកិច្ចព្រមព្រៀងរហូតដល់​ចុងបញ្ចប់​នៃរដូវកាល ២០២៤ ជាមួយនឹងជម្រើសបន្តកុងត្រាថ្មី២ឆ្នាំបន្ថែមទៀត ។Lloris បានបង្ហាញខ្លួនសរុបចំនួន ៤៤៧ ដងក្នុងរយៈពេល ១១ ឆ្នាំ និង និងជាប់ជា កីឡាករដែល បង្ហាញខ្លួនចូលលេងអោយក្រុមច្រើនជាងគេទី៧ក្នុងប្រវត្តិសាស្រ្តក្លឹប។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

Lloris រួមចំណែកជួយក្រុមឈានដល់វគ្គផ្តាច់ព្រ័ត្រនៃក្របខ័ណ្ឌ Champions League ឆ្នាំ ២០១៩ និងជើងឯករង World Cup ២០២២​ក្រោយមិនអាចសង្គ្រោះបាល់កាត់សេចក្តីទល់និងក្រុមពពកសអាហ្សង់ទីនបាន។ ទោះយ៉ាងណា Tottenham បរាជ័យ ចាញ់ Newcastle ៦ទល់និង១កាលពីខែ មេសា បន្ទាប់ពីធ្លាក់ចេញពីជម្រើសដំបូងទៅកាន់អ្នកចាំទី២រូប គឺ​Guglielmo Vicario និង Fraser Forster នៅរដូវកាលនេះ។ Lloris នឹងមានវត្តមាននៅទីលាននៅពេលបញ្ចប់តង់ទី១ នៃការប្រកួត Premier League នៅថ្ងៃអាទិត្យជាមួយ Bournemouth  នៅកីឡដ្ឋាន London Stadium ដើម្បីនិយាយលាអ្នកគាំទ្រ និងថ្នាក់ដឹកនាំ ក្លឹប។

ប្រភព:BBC