(អង់គ្លេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានបញ្ជាក់ថា ក្លឹបបិសាចក្រហម Manchester United បានពិភាក្សាជាមួយអ្នកតំណាងរបស់ខ្សែប្រយុទ្ធបីនាក់រួចហើយ ដែលមានដូចជាខ្សែប្រយុទ្ធ Donyell Malen របស់ក្លឹបអាល្លឺម៉ង់ Borussia Dortmund ដែលតំណាងដោយភ្នាក់ងារដូចគ្នាជាមួយលោក Ten Hag [SEG] ហើយត្រូវបានផ្សារភ្ជាប់ជាមួយគោលដៅចង់បានខ្សែប្រយុទ្ធ Serhou Guirassy របស់ក្លឹប Stuttgart និងអតីតខ្សែប្រយុទ្ធក្រុមតោខៀវ Chelsea កីឡាករ Timo Werner ដែលកំពុងលេងនៅក្លឹប RB Leipzig បច្ចុប្បន្ន។ ទន្ទឹមនឹងនេះលោក Romano បាននិយាយបន្ថែមថា United ត្រៀមនឹងនាំយកខ្សែប្រយុទ្ធចំណូលថ្មីនាទីផ្សារដោះដូរ នៅប៉ុន្មានសប្តាហ៍ខាងមុននេះ ខណៈក្លឹបនិងគ្រូបង្វឹកនៅតែមានភាពជឿជាក់លើខ្សែប្រយុទ្ធ Rasmus Hojlund គ្រាន់តែរាងបន្ថូរបន្ថយបន្ទុកដល់រូបគេខ្លះប៉ុណ្ណោះ៕
ប្រភព៖ sportbible
ខ្សែបម្រើឆ្នើមរបស់ក្រុម Bayern Munich គឺ Thomas Muller ត្រូវបានគេរំពឹងថា នឹងចាកចេញពីក្រុម នៅចុងបញ្ចប់រដូវកាល ២០២៤ – ២០២៥ បន្ទាប់ពីការចរចារកុងត្រាថ្មីមិនទទួលបានជោគជ័យ។អត្ថបទកំពុងចាប់អារម្មណ៍៖ End of an Era! វីរបុស Bayern ម្នាក់ទំនងចាកចេញនៅចុងបញប់រដូវកាល ក្រោយចំណាយពល២៥ឆ្នាំ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Muller ដែលបានចំណាយពេលពេលមួយអាជីពរបស់ខ្លួនជាមួយនឹងក្រុម Bayern តាំងពីឈុតថ្នាលក្នុងឆ្នាំ២០០០ តែងតែជាផ្នែកដ៏សំខាន់ក្នុងក្លឹបយក្សមួយនេះគ្រប់រដូវកាលទាំងអស់។ ទោះបីជាយ៉ាងណាមិញតំណែងរបស់ខ្លួនហាក់បីបានបាត់បង់នៅឆ្នាំ២០២៥នេះ ដោយគាត់បានបង្ហាញខ្លួនត្រឹមតែ២៧ប្រកួតប៉ុណ្ណោះ។ ការសម្រេចចិត្តរបស់ក្លឹបដែលមិនបន្តកុងត្រាថ្មី គឺជាការព្រមព្រៀងពីសំណាក់ភាគគីខាងក្រុមប្រឹក្សាភិបាលរបស់ក្លឹប និងបញ្ហាប្រាក់ឈ្នួលផងដែល ដោយក្លឹបបច្ចុប្បន្នកំពុងមានផែនការក្នុងការកាត់បន្ថយប្រាក់ឈ្នួលរបស់កីឡាករ។ ទោះបីជាមិនបន្តកុងត្រាថ្មីក៏ដោយ ប៉ុន្តែក្រុម Bayern នឹងផ្តល់ជាការគោរពដល់ Muller ក្នុងការចូលរួមចំណែកក្នុងផ្នែកណាមួយរបស់ក្រុមនាពេលអនាគត ដោយការចរចារនឹងធ្វើឡើងក្នុងពេលឆាប់ៗ ខាងមុខនេះ។ Muller បានបង្ហើបអំពីមហិច្ឆតាក្នុងការបន្តអាជីពរបស់ខ្លួនបន្តទៀត ខណៈរូបគេរំពឹងថា នឹងមានសំណើរមកពីក្លឹបនៅសហរដ្ឋអាមេរិក ដោយគាត់បានចេញសេចក្តីប្រកាសថា លោកនឹងមិនលេងឲ្យក្រុមផ្សេងក្នុងក្របខណ្ឌ Bundesliga ជាដាច់ខាត៕
