ក្រុមម្ចាស់ផ្ទះ Man.Utd នៅមានពេលត្រឹមតែ៩០នាទីទៀតប៉ុណ្ណោះដើម្បីដឹងច្បាស់ពីលទ្ធផលថាអាចបន្តទៅវគ្គ ១៦ក្រុម Champions League រឺយ៉ាងណាពេលដែលពួកគេ ធ្វើជាម្ចាស់ផ្ទះបើកទ្វារកីឡដ្ឋាន Old Trafford ទទួលក្រុមភ្ញៀវអាឡឺម៉ង់គឺ Bayern Munich ដែលបានកក់កៅអីរួចទៅហើយនោះ សម្រាប់ការប្រកួតបិទបញ្ចប់ក្នុងពូល A នៅរាត្រីថ្ងៃអង្គារឈានចូលថ្ងៃពុធ វេលាម៉ោង ៣ទាបភ្លឺ។ការពិតក្រុមទាំងពីរបានរងភាពអាម៉ាស់ការប្រកួតក្នុងលីកកាលពីចុងសប្តាហ៍កន្លងទៅដោយលទ្ធផល៣ទល់និង០ ដោយថ្វីជើងក្រុមភ្ញៀវ Bournemouth ក្នុងការប្រកួតក្របខ័ណ្ឌ Premier League ខណៈក្រុមលោក Thomas Tuchel បានចាញ់ម្ចាស់ផ្ទះEintracht Frankfurt ក្នុងក្របខ័ណ្ឌ Bundesliga ដោយលទ្ធផល ៥ទល់និង១ផងដែរ។ សម្រាប់ Bayern Munich ៥ប្រកួតចុងក្រោយនៅUCLគឺឈ្នះ៤និងស្មើ១ឈរនៅលេខរៀង​ទី១ក្នុងតារាង ខណៈ Man.Utd ឈ្នះ ១ស្មើ១និងចាញ់៣ឈរនៅលេខរៀងទី៤ ខណៈដែល Man.Utdនិងមិនអាចទៅវគ្គបន្តបានទេ ប្រសិន Copenhagen រឺ Galatasaray រកបាន៣ពិន្ទុ តែប្រសិនពួកគេស្មើគ្នាហើយ Man.Utd អាចផ្តួលម្ចាស់ផ្ទះបាននោះMan.Utd និងដឹកដៃ Bayern Munich ទៅវគ្គបន្តបាន។​​

១.ប្រវត្តិជួបគ្នា
Bayern Munich មានកំណត់ត្រាដ៏ល្អពេលជួបគូប្រជែង Man. United នៅព្រឹត្តការណ៏ UEFA Champions League ដោយបានឈ្នះ 5៥ប្រកួតក្នុងចំណោម ១២ប្រកួត ចុងក្រោយខណៈ Manchester United ឈ្នះ២និងស្មើ៥។
Bayern Munich ឈ្នះតែមួយប្រកួតគត់ក្នុងចំណោម ៥ ប្រកួតចុងក្រោយរបស់ពួកគេនៅក្រៅផ្ទះទល់នឹង Manchester United ក្នុង UEFA Champions League ដោយជ័យជម្នះតែមួយគត់របស់ពួកគេក្នុងអំឡុងពេលនេះបានកើតឡើងក្នុងឆ្នាំ ២០០១ ។
២.ពត៌មានក្រុមMan.Utd(ម្ចាស់ផ្ទះ)
Casemiro បានត្រលប់មកហ្វឹកហាត់វិញសម្រាប់ក្រុម ប៉ុន្តែកីឡាករអន្តរជាតិប្រេស៊ីលរូបនេះនៅឡើយអាចវាយតម្លៃថាចូលលេងបានរឺយ៉ាងណានោះទេ។
Marcus Rashford និង Anthony Martial ទាំងពីរនាក់បានខកខានការហ្វឹកហាត់កាលពីថ្ងៃចន្ទដោយសារជំងឺ។
-ជម្រើស១១នាក់ដំបូងអាចនិងចូលលេងOnana; Wan-Bissaka, Maguire, Varane, Shaw; McTominay, Mainoo; Antony, Fernandes, Garnacho; Hojlund
-ទម្រង់លេងអាចនិងយកមកប្រើប្រាស់៤-២-៣-១

៣.ពត៌មានក្រុមBayern Munich(ភ្ញៀវ)
កីឡាករ Serge Gnabry បានរងរបួសក្រលៀនទល់នឹង Eintracht Frankfurt នៅចុងសប្តាហ៍ ហើយមើលទៅនឹងត្រូវអវត្តមានយ៉ាងហោចណាស់ពីរខែ។
Bayern នឹងបន្តដោយគ្មាន Matthijs de Ligt រហូតដល់ដើមឆ្នាំ ២០២៤ ។
-ជម្រើស១១នាក់ដំបូងអាចនិងចូលលេងNeuer; Laimer, Upamecano, Kim, Guerreiro; Goretzka, Kimmich; Musiala, Muller, Sane; Kane
-ទម្រង់លេងអាចនិងយកមកប្រើប្រាស់៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Man.Utd ២ :២ Bayern Munich
ប្រភព:whoscored &sportskeeda&sportsmole