(អង់គ្លេស)៖ ក្លឹប Manchester United បានបញ្ជាក់ថា ខ្សែប្រយុទ្ធ Amad Diallo បានវិលត្រលប់មកហ្វឹកហាត់ពេញលេញវិញហើយ បន្ទាប់ពីទទួលរងរបួសជង្គង់ធ្ងន់ធ្ងរកាលពីខែកក្កដា។ កីឡាករវ័យ ២១ ឆ្នាំរូបនេះជាផ្នែកមួយនៃផែនការរបស់លោក Erik ten Hag ចាប់តាំងពីមុនបើករដូវកាល ២០២៣-២៤ ដោយបានចូលលេងតទល់ជាមួយក្រុម Leeds United និងក្រុម Lyon។

រំលឹកដែរថា Diallo ត្រូវបានក្លឹប Man Utd បញ្ជូនទៅលេងពានលំដាប់ទី២ អង់គ្លេស Championship កាលពីរដូវកាលមុន ដោយទទួលបានបទពិសោធន៍មិនធម្មតាឡើយនៅក្នុងក្រុម។ បើទោះជាបានវិលត្រលប់ចូលទីលានវិញក៏ដោយ របាយការណ៍ថ្មីៗមិនទាន់បញ្ជាក់ច្បាស់លាស់ឡើយទេថា លោក Ten Hag នឹងដាក់ខ្សែប្រយុទ្ធវ័យជំទង់រូបនេះ ឲ្យចូលលេងនៅជម្រើស ១១ នាក់ដំបូង៕

ប្រភព៖ sportsmole