អ្នកចាត់ការក្លឹប Real Madrid លោក Carlo Ancelotti ត្រូវបានក្លឹបនៅលីកកំពូលអង់គ្លេសមិនបានបញ្ចញឈ្មោះបានបង្ហាញការចាប់អារម្មណ៏ចង់បានគ្រូបង្វឹកសញ្ជាតិអ៊ីតាលី មកដឹកនាំក្លឹបពួកគេ។ គួរបញ្ជាក់ថាគ្រូបង្វឹកដ៏សម្បូរបទពិសោធន៏រុបនេះធ្លាប់ដឹកនាំក្លឹប២នៅលីកកំពូលអង់គ្លេសគឈឺ Chelsea លើកពាន Premier League ក៏ដូចជាចំណាយពេល ១៨ ខែដឹកនាំ Everton ផងដែរ។ទោះយ៉ាងណាក្រោយវិលត្រលប់មកកាន់ទឹកដី Santiago Bernabeu វិញជាលើកទីពីរលោក Ancelotti បានដឹកនាំក្រុមឈ្នះពានរង្វាន់ Champions League ជាលើកទី ១៤។ប្រភពពី Fijaches បានលើកឡើងថាៈ ក្រុមបិសាចក្រហម Man. United អាចជាក្លឹបដែលលោក Ancelotti និងត្រលប់ទៅដឹកនាំ បើទោះបីជារូបលោកAncelotti នៅតែមិនទាន់សម្រេចចិត្តពីអនាគតទោះបីជាចុងក្រោយនេះ សហព័ន្ធបាល់​ទាត់ប្រេស៊ីល​បានលើកឡើងថាកិច្ចព្រមព្រៀងសម្រាប់លោក Ancelloti ទៅដឹកនាំក្រុមម្ចាស់ជើងឯក World Cup ៥សម័យ ត្រូវបានយល់ព្រមក៏ដោយ។

ស្របពេលក្លឹបនិងទទួលយកការកាន់កាប់ភាគហ៊ុន២៥ភាគរយពីសហម្ចាស់ក្លឹបគឺ Sir Jim Ratcliffe ក្លឹបអាចនិងធ្វើការផ្លាស់ប្តូរយុទ្ធសាស្រ្តនិង ការដឹកនាំក្រុម ខណៈអ្នកចាត់ការទូទៅបច្ចុប្បន្ន Erik ten Hag បានរងសម្ពាធយ៉ាងខ្លាំងសម្រាប់រដូវកាលនេះ ក្រោយបរាជ័យរហូតដល់ទៅ៥ដងសម្រាប់ការប្រកួត១៣លើកនៅPremier League។ទោះយ៉ាងណាលទ្ធផលស្មើគ្នាជាមួយ Galatasaray ក្នុងក្របខ័ណ្ឌ Champions League ដូច្នេះ Man.Utdនិងត្រូវកំនត់ពីជោគវាសនានៅថ្ងៃទី៦ ធ្នូនេះជាមួយក្រុម Bayern Munich ដែលបានកក់កៅអីរួចទៅហើយនោះ។ Man.United បច្ចុបន្បក៏ធ្លាក់ចេញពីពាន EFL Cup ដែលពួកគេ​បាន​ឈ្នះកាលពីរដូវកាលមុន ខណៈបច្ចុប្បន្នក្រុមឈរនៅលេខរៀងទី ៦ ក្នុងតារាង Premier League ។
ប្រភព:sportsmole