(បរទេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានបង្ហើបពីតម្លៃខ្លួនផ្ទេរខ្សែបម្រើសញ្ជាតិព័រទុយហ្កាល់ Joao Neves ដែលមានតម្លៃប្រមាណ ១២០លានអឺរ៉ូ ឬប្រហែល ១០៥លានផោន ស្របពេលក្លឹប Benfica មិនចង់បានតម្លៃទាបជាងនេះទេ។ ទន្ទឹមនឹងនេះក្លឹប Benfica មិនមានចេតនាបើកការពិភាក្សាសម្រាប់ Joao Neves ក្នុងខែមករាទេ បើទោះបីជា Man United បានបញ្ជូនភ្នាក់ងារចរចារជាច្រើននាក់មកក៏ដោយ សូម្បីតែក្លឹបគូប្រជែង Man City ក៏មានចំណាប់អារម្មណ៍ខ្ពស់ចង់បានកីឡាករវ័យ ១៩ ឆ្នាំរូបនេះផងដែរ។
ជាការពិតណាស់ លក្ខខណ្ឌដោះដូរអាចទៅរួចបាន ដូចកាលដែលក្លឹប Benfica លក់ Enzo Fernandez ក្នុងតម្លៃ ១២០លានអឺរ៉ូទៅឲ្យ Chelsea កាលពីមួយឆ្នាំមុន ទំនោរនេះអាចនឹងត្រូវបានប្រើប្រាស់ម្តងទៀតសម្រាប់ Benfica។ លើសពីនេះទៅទៀត ប្រធានក្រុមបិសាចក្រហម Bruno Fernandes គាត់បានអះអាងថាចង់ឲ្យ Neves មករួមក្រុមនៅ Old Trafford ព្រោះតែទេពកោសល្យដ៏ល្អអស្ចារ្យ មិនថានៅក្លឹប ឬ នៅជម្រើសជាតិឡើយ៕
សូមទស្សនានូវវីដេអូខាងក្រោម៖
ប្រភព៖ sportbible & Twiiter: Fabrizio Romano
(អង់គ្លេស)៖ ក្លឹបបិសាចក្រហម Manchester United បានចាប់ផ្តើមបើកការពិភាក្សាជាមួយក្លឹប Getafe លើលក្ខខណ្ឌខ្ចីជើងជាលើកទី២ សម្រាប់ខ្សែប្រយុទ្ធស្លាបដ៏មានសក្តានុពល Mason Greenwood លើកិច្ចព្រមព្រៀងរយៈពេល១ឆ្នាំបន្ថែម សម្រាប់រដូវកាល ២០២៤-២៥ នេះបើយោងតាមសារព័ត៌មាន The Athletic បានចេញផ្សាយនាពេលថ្មីៗនេះ។អត្ថបទកំពុងចាប់អារម្មណ៍៖ Man Utd ចេញមកបញ្ជាក់កិច្ចពិភាក្សា ជុំវិញការចាកចេញរបស់ Greenwood សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា កីឡាករសញ្ជាតិអង់គ្លេសវ័យ ២២ឆ្នាំ បានចូលរួមជាមួយក្លឹបអេស្ប៉ាញ Getafe ក្នុងកិច្ចសន្យាខ្ចីជើងរយៈពេល១រដូវកាល កាលពីរដូវក្តៅឆ្នាំមុន។ ទន្ទឹមនឹងនេះដែរ ក្លឹបបិសាចក្រហមចង់លក់ Greenwood នៅចុងរដូវកាលនេះ ជាជាងដាក់ទណ្ឌកម្មឲ្យក្លឹបដទៃខ្ចីជើង។ ជាមួយគ្នានេះ Getafe ទំនងជាមិនបន្តកិច្ចព្រមព្រៀងជាអចិន្ត្រៃយ៍ដល់ Greenwood នោះទេ ខណៈរូបគេអាចស្វែងរកត្រឹមការផ្ទេរទៅកាន់ក្លឹបនៅលីគទី២ អង់គ្លេសប៉ុណ្ណេាះ។ គួរបញ្ជាក់ផងដែរថា Greenwood ស្ថិតនៅក្រោមកិច្ចសន្យាជាមួយបិសាចក្រហមរហូតដល់ខែមិថុនា ឆ្នាំ២០២៥៕ ប្រភព៖ SportsMole
