(បរទេស)៖ អ្នកចាត់ការទូទៅក្រុមជម្រើសជាតិអាហ្សង់ទីនលោក Lionel Scaloni ដែលបានដឹកនាំអាហ្សង់ទីនឈ្នះ World Cup ឆ្នាំ ២០២២ បានថ្លែងថា លោកកំពុងពិចារណាក្នុងការចុះចេញពីតំណែង ក្រោយចំណាយពេល ៥ឆ្នាំ។ គ្រូបង្វឹកវ័យ ៤៥ ឆ្នាំរូបនេះបានដឹកនាំអាហ្សង់ទីន ឈ្នះជើងឯក Copa America ក្នុងឆ្នាំ២០២១ មុនពេលដណ្តើមបានជើងឯក World Cup ក្នុងប្រទេសកាតានៅឆ្នាំ ២០២២។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

លោក Scaloni បានប្រកាសព័ត៌មានដ៏គួរឱ្យភ្ញាក់ផ្អើលនេះ បន្ទាប់ពីក្រុមពពកសអាហ្សង់ទីន យកជ័យជម្នះ ១-០ ក្នុងការប្រកួតជម្រុះ World Cup ឆ្នាំ២០២៦ លើក្រុមម្ចាស់ផ្ទះសាំបាប្រេស៊ីលនៅទីក្រុង Rio de Janeiro កាលពីថ្ងៃអង្គារ។ បើតាមសម្តីរបស់គាត់បាននិយាយថា «ជម្រើសជាតិអាហ្សង់ទីនត្រូវការគ្រូបង្វឹកដែលល្អ និង​មានសក្កានុពល នៅកាលៈទេសៈដែលអាចធ្វើបាន» ៕

ប្រភព៖ BBC