(បរទេស)៖ យោងតាមសារព័ត៌មាន talkSPORT បានរាយការណ៍ថាលោក Sir Jim Ratcliffe ដែលគ្រោងនឹងទិញភាគហ៊ុន ២៥ ភាគរយនៅ Man United នាប៉ុន្មានថ្ងៃខាងមុខនេះ ដោយគាត់មានឆន្ទៈក្នុងការដាក់លក់ Casemiro នៅពេលដែលទីផ្សារដោះដូរបើកទ្វារ។ មិនតែប៉ុណ្ណោះ ប្រាក់ឈ្នួល ៣៥០,០០០ ផោនក្នុងមួយសប្តាហ៍របស់ Casemiro អាចជាឧបសគ្គសម្រាប់ក្លឹបផងដែរ។ ជម្រើសដ៏ល្អសម្រាប់ Casemiro គឺ Saudi Pro League ដោយបច្ចុប្បន្នគាត់កំពុងមានក្លឹបជាច្រើននៅអារ៉ាប់ចាប់អារម្មណ៍ចង់បាន ប៉ុន្តែក្លឹប Al Nassr ដែលអតីតមិត្តរួមក្រុមនៅ Real Madrid និង Man Utd តារាឆ្នើម Cristiano Ronaldo កំពុងប្រកបអាជីពគឺមានភាគរយខ្ពស់ជាងគេ ខណៈ Ronaldo គាត់បាននិយាយថា «គាត់រីករាយនិងស្វាគមន៍ក្នុងឱកាសបានលេងរួមក្រុមជាមួយកីឡាករប្រេស៊ីលរូបនេះម្តងទៀត»។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
គួរបញ្ជាក់ដែរថា Casemiro មានវ័យ៣១ឆ្នាំ បានចូលរួមជាមួយ United ត្រឹមតែ ៦០ លានផោនពី Real Madrid កាលពីឆ្នាំ ២០២២៕
ប្រភព៖ sportbible
