បរទេស៖ ក្លឹបបិសាចក្រហម Manchester United បានឈ្នះពានរង្វាន់ត្រឹមតែ១ប៉ុណ្ណោះក្នុងរដូវកាលមុន ក្រោយចំណាយជាង ១ពាន់លានផោន ក្នុងការចុះកុងត្រាថ្មីលើកីឡាករថ្មី តាំងពីរដូវកាល២០១៧-១៨ មក។ ទោះបីជាយ៉ាងណាមិញ លោក Sir Jim Ratcliffe អាចនឹងធ្វើដឹកនាំក្លឹបមួយនេះដើរលើផ្លូវផ្សេងមួយទៀត នៅពេលដែលការដេញថ្លៃ២៥ភាគរយនៃភាគហ៊ុនទិញក្លឹបយក្សនៅទីក្រុង Manchester មួយនេះបានបញ្ចប់នោះ។ យោងទៅតាម Football Insider បានចុះផ្សាយថា មានផែនជាច្រើនដែលម្ចាស់ក្រុមហ៊ុន Ineos នឹងកែប្រែ ហើយផ្នែកមួយក្នុងចំណោមផែនការសំខាន់ៗនោះគឺ ការផ្លាស់ប្តូរគញរូបង្វឹក។ លោក Erik Ten Hag ទំនងជាត្រូវមហារសេដ្ឋីអង់គ្លេសរូបនេះបញ្ចប់តំណែងជាមិនខានប្រសិនបើរូបលោកនៅតែដឹកនាំក្រុមិនទទួលបានលទ្ធផលល្អបន្តទៀតនោះ។ ខណៈលោក Jim ចង់បានគ្រូបង្វឹក Brighton លោក Roberto De Zerbi ជំនួសវិញ នៅពេលដែលលោកទទួលបានសិទ្ធិកាន់កាប់ក្លឹបយក្សមួយនេះ៕