(អង់គ្លេស)៖ មួយរយៈចុងក្រោយអ្នកគាំទ្រក្រុមបិសាចក្រហម Manchester United បានឃើញខ្សែការពារឆ្វេង Tyrell Malacia មានសកម្មភាពឡើងវិញ។ របាយការណ៍ពី Manchester Evening News បានឲ្យដឹងថា Malacia បានរងរបួសជង្គង់កាលពីរដូវកាលមុន ខណៈក្លឹបក៏បានព្យាយាមចាក់ថ្នាំបំបាត់ការឈឺចាប់ ប៉ុន្តែទីបំផុតនៅតែធ្វើការវះកាត់ ដោយកីឡាកររូបនេះបានកាន់ឈើច្រត់ក្នុងអំឡុងពេលព្យាបាលរបួស។ ឥឡូវនេះគាត់បានត្រលប់មក Manchester វិញហើយ ស្របពេលប្រភពជាច្រើនបានបង្ហាញថាគាត់នឹងត្រលប់មកវិញមុនឆ្នាំថ្មីមកដល់។ មិនតែប៉ុណ្ណោះ របួសរបស់ Malacia មិនទាន់ជាសះស្បើយ ១០០% នៅឡើយទេ ទើបលោក Ten Hag បាននិយាយប្រាប់សារព័ត៌មាន មុនពេលប្រកួតទល់នឹងក្រុម Wolves ថា «Malacia នឹងត្រូវចំណាយពេលបន្ថែមសម្រាប់ព្យាបាលរបួស ដូចគ្នានឹង Amad និង Kobbie ដែរ»។

រំលឹកដែរថា កីឡាករវ័យ ២៤ ឆ្នាំរូបនេះ បានចុះកុងត្រាជាលើកដំបូងក្រោមការដឹកនាំរបស់លោក Erik ten Hag ដែលបានចូលរួមជាមួយ Man Utd  ពីក្លឹប Feyenoord ក្នុងតម្លៃផ្ទេរ ១៣លានផោន៕

ប្រភព៖ sportbible