ក្រុមរបស់លោក Gareth Southgate ត្រូវការត្រឹមតែមួយពិន្ទុប៉ុណ្ណោះ ដើម្បីធានាកន្លែងលេងនៅ Euro 2024។ ដោយឡែក Bellingham ជាប់ឈ្មោះជាកីឡាករឆ្នើមរបស់ក្រុមជម្រើសជាតិអង់គ្លេសម្តងទៀត នៅក្នុងជំនួបជាមួយអ៊ីតាលី ខណៈខ្សែប្រយុទ្ធឆ្នើម Harry Kane រកបាន២គ្រាប់ និង Marco Rashford របស់បិសាចក្រហមក៏អាចរកបាន១គ្រាប់ផងដែរ។ ជាលទ្ធផលបញ្ចប់ការប្រកួត តោកំណាចអង់គ្លេសផ្ទួលក្រុមភ្ញៀវអ៊ីតាលី ៣:១ ស្របពេលជ័យជម្នះក្នុងផ្ទះជាលើកដំបូងរបស់អង់គ្លេសទៅលើប្រទេសអ៊ីតាលីចាប់តាំងពីខែវិច្ឆិកាឆ្នាំ ១៩៧៧ ហើយបានបញ្ចប់ការឈ្នះពីរដងក្នុងពូល។ អង់គ្លេសកំពុងឈរកំពូលតារាងក្នុងពូល C ដោយមាន ១៦ពិន្ទុ ខណៈការបរាជ័យរបស់ អ៊ីតាលី ស្ថិតនៅលេខ ៣ ហើយនឹងជួបអ៊ុយក្រែនក្នុងវគ្គជម្រុះចុងក្រោយ ហើយក៏ជាការប្រកួតដែលកំណត់ថា អ៊ីតាលីអាចនឹងមានឈ្មោះលេងនៅពានរង្វាន់ Euro 2024 បានឬក៏យ៉ាងណា៕
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័សសូមទស្សនានូវវីដេអូ Highlights ខាងក្រោម៖
