(បរទេស)៖ លោក Louis Van Gaal បានត្រលប់ទៅធ្វើអ្នកចាត់ការទូទៅអតីតក្លឹប Ajax របស់គាត់វិញ ចំពេលរូបគាត់កំពុងប្រយុទ្ធប្រឆាំងជាមួយជំងឺមហារីកក្រពេញប្រូស្តាត។ អ្នកចាត់ការសញ្ជាតិហូឡង់បានត្រលប់ទៅក្រុមដែលមានមូលដ្ឋាននៅទីក្រុង Amsterdam ជាមួយនឹងក្រុមដែលកំពុងតែមានវិបត្តិ។ Van Gaal កំពុងសម្រាកនៅក្នុងនិងក្រៅមន្ទីរពេទ្យ ខណៈដែលការព្យាបាលថ្មីៗនេះបានបង្ហើបថា វានឹងក្លាយជា «អព្ភូតហេតុ» ប្រសិនបើគាត់អាចចូលបង្គន់ដោយខ្លួនឯងម្ដងទៀត។ បុរសវ័យ៧២ឆ្នាំ មានតួនាទីជាទីប្រឹក្សារបស់ក្លឹបដោយ បច្ចុប្បន្ន Ajax ឈរនៅលេខរៀងទី ១៥ ក្នុងតារាង ហើយឈ្នះបានតែមួយប្រកួតប៉ុណ្ណោះក្នុងលីគរហូតមកដល់ពេលនេះ។
លោក Van Gaal បាននិយាយថា៖
- «ខ្ញុំចង់ជួយក្លឹប Ajax»។
- «បច្ចុប្បន្នខ្ញុំចំណាយពេលមួយផ្នែកធំនៃជីវិតរបស់ខ្ញុំនៅប្រទេសព័រទុយហ្គាល់ ហើយនេះអាចរួមបញ្ចូលគ្នាបានយ៉ាងល្អជាមួយនឹងតួនាទីរបស់ខ្ញុំជាអ្នកប្រឹក្សាខាងក្រៅ ខ្ញុំសុខចិត្តផ្តល់ចំណេះដឹងបាល់ទាត់របស់ខ្ញុំទៅកាន់ក្រុម»។
- «យើងត្រូវតែស្វែងរកផ្លូវឲ្យកីឡាករយើងឡើងទៅកាន់គោលដៅកំពូល ហើយយើងទាំងអស់គ្នាត្រូវតែរួមចំណែកនៅក្នុងរឿងនេះ»៕
លោក Van Gaal មានឋានៈជាជើងខ្លាំងនៅ Ajax បន្ទាប់ពីគ្រប់គ្រងដឹកនាំក្លឹបពីឆ្នាំ ១៩៩១ ដល់ឆ្នាំ ១៩៩៧។ ក្នុងរជ្ជកាលរបស់គាត់ ក្លឹបបានឈ្នះពានរង្វាន់ Eredivisie ៣លើក, KNVB Cups ៣លើក, Champions League ១ដង និង UEFA Cup ១ដងផងដែរ។
ប្រភព៖ The Sun ចុះផ្សាយថ្ងៃទី០៤ ខែតុលា ឆ្នាំ២០២៣
ក្រុមមេឃខៀវ Manchester City និងបន្តការប្រជែង និងការពារពានក្របខណ្ឌ Premier League ដោយសម្លឹងចង់ឈ្នះជាលើកទីបួនជាប់គ្នានៅពេលដែលពួកគេធ្វើដំណើរទៅទឹកដី Craven Cottage ដើម្បីជួបជាមួយម្ចាស់ផ្ទះ Fulham ក្នុងការប្រកួតនៅវលេាម៉ោង៦និង៣០នាទីល្ងាចថ្ងៃសៅរ៍ទី១១ ឧសភា ២០២៤នេះ។ក្រុមម្ចាស់ផ្ទះមានបំណងចង់សងសឹកក្រុមម្ចាស់ជើងឯកEPL បន្ទាប់ពីពួកគេបានរងបរាជ័យយ៉ាងធ្ងន់ធ្ងរដោយលទ្ធផល ៥-១ ក្នុងការប្រកួតនៅកីឡដ្ឋាន Etihad កាលពីខែកញ្ញាកន្លងទៅ។ សម្រាប់៦ប្រកួតចុងក្រោយរបស់Man.City ៦ប្រកួតមិនដែលចាញ់និងស្មើដោយឈរនៅលេខរៀងទី ២ និងមានគម្លាតពីក្រុមកំពូលតារាង Arsenal(៣៦ប្រកួត) ១ពិន្ទុ ប៉ុន្តែនៅសល់១ប្រកួតក្នុងដៃ ខណៈ ៦ប្រកួតចុងក្រោយរបស់ Fulham ឈរនៅលេខរៀងទី ១៣ ក្រោយស្មើ២ ឈ្នះ១ និង ចាញ់ ៣ខណៈ៣ប្រកួតចុងក្រោយមិនដែលឈ្នះទេ។ ១.ប្រវត្តិជួបគ្នា ជួបគ្នា១៥ដងចុងក្រោយនៅគ្រប់ក្របខណ្ឌប្រកួត Fulham មិនដែលឈ្នះ Man.City នោះទេ។ ២.ពត៌មានក្រុមFulham(ម្ចាស់ផ្ទះ) Harrison Reed គឺជាខ្សែបម្រើ-ការពារតែម្នាក់គត់ដែលជាក្តីកង្វល់សម្រាប់អវត្តមានបង្ហាញខ្លួនអោយក្រុមម្ចាស់ផ្ទះ។ -ជម្រើស១១នាក់ដំបូងអាចនិងចូលលេងLeno; Castagne, Diop, Ream, Robinson; Palhinha, Reed; Iwobi, […]
