បរទេស៖ យោងតាមរបាយការណ៍បានឱ្យដឹងថា ប្រទេសម៉ារ៉ុក ព័រទុយហ្គាល់ និងអេស្ប៉ាញនឹងរៀបចំការប្រកួតបាល់ទាត់ពិភពលោកឆ្នាំ 2030 ប៉ុន្តែការប្រកួតបើកឆាកចំនួន 3 នឹងត្រូវលេងនៅអ៊ុយរូហ្គាយ ប៉ារ៉ាហ្គាយ និងអាហ្សង់ទីន។  FIFA World Cup នៅឆ្នាំ 2030 នឹងធ្វើឡើងនៅក្នុងប្រទេសចំនួន 6 ផ្សេងគ្នានៅទូទាំងទ្វីបចំនួន 3 ដោយប្រទេសទាំង 6 ខាងលើមានសិទ្ធិទទួលបានកៅអីរបស់ខ្លួនដោយស្វ័យប្រវតិ្ត។ ជាលទ្ធផលនៃការប្រកួតបើកឆាកដែលត្រូវបានរៀបចំឡើងនៅក្នុងទ្វីបអាមេរិកខាងត្បូងនោះ ក្រុមទាំង 6 ដែលពាក់ព័ន្ធនឹងត្រូវហោះហើរឆ្លងកាត់មហាសមុទ្រអាត្លង់ទិក ខណៈដែលការប្រកួតដែលនៅសល់បន្តនៅប្រទេសម៉ារ៉ុក ព័រទុយហ្គាល់ និងអេស្ប៉ាញ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ការសម្រេចចិត្តផ្តល់ឲ្យក្រុមអ៊ុយរូហ្គាយ អាហ្សង់ទីន និងប៉ារ៉ាហ្គាយក្នុងការប្រកួតបើកឆាក គឺជាគំនិតមួយជុំវិញខួប 100 ឆ្នាំនៃព្រឹត្តិការណ៍មួយនេះ នេះបើយោងតាមរបាយការណ៍ពី The Athletic ។ លោក Alejandro Dominguez អនុប្រធាន FIFA បាននិយាយនៅលើ Twitter ថា «ពួកយើងមានគោលដៅខ្ពស់ និងសុបិនធំ។ ការប្រកួតបាល់ទាត់ពិភពលោក World Cup ឆ្នាំ 2030 ចាប់ផ្តើមពីកន្លែងដែលវាបានចាប់ផ្តើម។ ម្ចាស់ផ្ទះនៃការប្រកួតបើកឆាកនៃព្រឹត្តិការណ៍ FIFA World Cup នឹងមាន អ៊ុយរូហ្គាយ ប៉ារ៉ាហ្គាយ និងអាហ្សង់ទីន។» យ៉ាងណាមិញក្រោយសេចក្តីប្រកាសនេះអ្នកគាំទ្រជាច្រើនហាក់បីមិនរីករាយជាមួយនឹងការរៀបចំបែបនេះឡើយ ដោយមានអ្នកខ្លះបានលើកឡើងថាវាជាការរៀបចំដ៏រញ៉េរញៃពី FIFA ហើយធ្វើការប្រកួតប្រឹត្តិការណ៍ដ៏ធំមួយនេះបាត់ភាពទាក់ទាញ និងចំណុចពិសេសរបស់វា៕