(អង់គ្លេស)៖ ក្លឹបបិសាចក្រហម Manchester United ហង្សក្រហម Liverpool និងកាំភ្លើងធំ Arsenal បានចូលរួមប្រជែងគា្នយ៉ាងស្វិតស្វាញក្នុងចុះហត្ថលេខាលើខ្សែបម្រើប្រយុទ្ធអ៊ីស្រាអែល Oscar Gloukh។ កីឡាករវ័យ ១៩ឆ្នាំរូបនេះ បានចូលរួមជាមួយក្រុម Red Bull Salzburg ពី Maccabi Tel Aviv ក្នុងខែមករា ឆ្នាំ២០២៣ កន្លងទៅ ក្នុងតម្លៃ ៧លានអឺរ៉ូ ឬស្មើនឹង ៧.៤លានដុល្លារ។ Gloukh បានបង្ហាញសមត្ថភាពយ៉ាងល្អ ក្នុងការប្រកួតជម្រុះ Euro ២០២៤ នាពេលថ្មីៗនេះ ដោយបានស៊ុតគ្រាប់បាល់តាមស្មើទល់នឹង រូម៉ានី ដែលបានរក្សាកៅអីក្រុមក្នុងការប្រជែង ដើម្បីឈានទៅវគ្គផ្តាច់ព្រ័ត្រពីពូល I។ ខ្សែបម្រើប្រយុទ្ធរូបនេះបានលេង ២៤ប្រកួតសម្រាប់ក្លឹបអូទ្រីស ហើយរកបាន ៣គ្រាប់។ ជម្រាបផងដែរថា ការដោះដូរផ្ទេរនឹងប្រព្រឺត្តនៅខែមករា ខណៈក្លឹបដែលមានភាគរយខ្ពស់ជាងគេ មិនទាន់ត្រូវបានបង្ហាញជាក់លាក់នៅឡើយទេ ប៉ុន្តែបានបញ្ជាក់ថាមាន៣ផ្លូវលើការផ្ទេរនេះ៕
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័សសូមទស្សនានូវវីដេអូខាងក្រោម៖
ប្រភព៖ goal.com
