វីរបុរសក្រុមជម្រើសជាតិអាឡឺម៉ង់២រូបគឺ Philipp Lahm និង Bastian Schweinsteiger បានបញ្ចេញការគាំទ្រយ៉ាងពេញលេញ ដោយចង់អោយ អតីតគ្រូបង្វឹក Man.Utd និង Bayern Munich លោក Luis Van Gaal ចូលមកដឹកនាំជម្រើសជាតិអាឡឺម៉ង់ ក្រោយពីលោក Hansi Flick ត្រូវបានសហព័ន្ធបញ្ចប់តួនាទីក្រោយចាញ់ជប៉ុនក្នុងជំនួបមិត្តភាព។ទាំង Lahm និង Schweinsteigerបានបង្ហាញមតិស្របគ្នាយ៉ាងដូច្នេះថាៈ គាត់(Van Gaal មានវិន័យនិងការដឹកនាំប្រកបដោយបទពិសោធន៏ លើកឆាកអន្តរជាតិជាពិសេស ដូច្នេះសមត្ថភាពរបស់គាត់ពិតជាស័ក្តសមមកដឹកនាំក្រុមឥន្រ្ទីយ៏ដែកអាឡឺម៉ង់យើងបាន។
សម្រាប់Lahm ធ្លាប់បង្ហាញខ្លួន៩៦ ប្រកួតក្រោមការដឹកនាំរបស់លោក Van Gaal នៅពេលដែលគាត់ដឹកនាំ Bayern Munich ចន្លោះឆ្នាំ ២០០៩ និង ២០១១ ហើយបានឈ្នះពាន Bundesliga ,DFB-Pokal និង DFL-Supercup និងបានដល់វគ្គផ្តាច់ព្រ័ត្រ UEFA Champions League ឆ្នាំ ២០១០ ផងដែរ។សម្រាប់Schweinsteiger បានបង្ហាញខ្លួន ១២០ ប្រកួតក្រោមការដឹកនាំរបស់ Van Gaal នៅ Bayern Munich និង Man. United ដោយស៊ុតបញ្ចូលទីបាន ១១ គ្រាប់ និង assists ១៣ ដង។ រីឯក្រុមជម្រើសជាតិពួកគេទាំងពីរធ្លាប់ជួយអាឡឺម៉ង់លើកពាន World Cup ចុងក្រោយនៅឆ្នាំ ២០១៤ក្នុងនាមប្រេស៊ីលជាម្ចាស់ផ្ទះផងដែរ។
សម្រាប់លោក Van Gaal មានបទពិសោធន៏ធ្លាប់បានដឹកនាំហូឡង់ទទួលបានចំណាត់ថ្នាក់លេខ៣ព្រឹត្តការណ៏World Cup ២០១៤ មុនពេលនាំហូឡង់ឡើងដល់វគ្គ ១/៤ផ្តាច់ព្រ័ត្រក្នុងព្រឹត្តិការណ៍ FIFA World Cup ឆ្នាំ ២០២២ ។កំលុងពេលថ្មីៗនេះលោក Van Gaal បានបង្ហើបថារូបលោកមានបំណងចង់វិលត្រលប់មកដឹកនាំជម្រើសជាតិប្រសើរជាងក្លឹបអាជីព។ប្រភព:sportskeeda
