(អង់គ្លេស)៖ គ្រូបង្វឹកក្រុមហង្សក្រហម Liverpool លោក Jurgen Klopp កំពុងមានការព្រួយបារម្ភយ៉ាងខ្លាំង បន្ទាប់ពីខ្សែប្រយុទ្ធដ៏សំខាន់កីឡាករ Darwin Nunez បានរងរបួសសាច់ដុំនៅក្នុងអំឡុងការប្រកួតដែលអ៊ុយរូហ្គាយបរាជ័យក្រោមស្នាដៃក្រុមអេក្វាឌ័រក្នុងលទ្ធផល ១:២។ គួរបញ្ជាក់ផងដែរថា Nunez នឹងត្រូវអវត្តមាននៅក្នុងការប្រកួតជាមួយ Wolverhampton Wanderers នៅចុងសប្តាហ៍នាយប់ថ្ងៃសៅរិ៍ ខែកញ្ញានេះ។ លោក Klopp នៅមានជម្រើសដាក់ខ្សែប្រយុទ្ធព័រទុយហ្គាល់ Diogo Jota សម្រាប់ជំនួសនៅតំបន់ខាងលើ។

មិនតែប៉ុណ្ណោះកីឡាករ៣រូបផ្សេងទៀតក៏នឹងត្រូវអវត្តមានផងដែរ ដែលមានដូចជា Alisson Becker, Alexis Mac Allister និង Luis Diaz សុទ្ធសឹងតែជាកីឡាករដែលត្រូវវាយតម្លៃទៅលើកាយសម្បទាជាមុនសិន បន្ទាប់ពីជាប់ភារកិច្ចជាមួយក្រុមជម្រើសជាតិ៕

ប្រភព៖ sportsmole.co.uk