ខ្សែបម្រើកណ្តាលក្លឹបមេឃខៀវ Man.City គឺកីឡាករ Jack Grealish និងខ្សែការពារស្លាបស្តាំរបស់ក្រុមហង្សក្រហម Liverpool កីឡាករឆ្នើម Trent Alexander-Arnold ត្រូវបានលោក Gareth Southgate ដកឈ្មោះចេញពីក្រុមតោកំណាចអង់គ្លេសសម្រាប់ការប្រកួតនាពេលខាងមុខជាមួយអ៊ុយក្រែន និងស្កុតឡែន ដោយសារពួកគេទាំងពីរមានបញ្ហារបួស។វាមិនមែនជាលើកទីមួយនោះទេ ខណៈ Arnold បានអវត្តមានព្រឹត្តការណ៏ World Cup ២០២២ នៅប្រទេសកាតាម្តងរួចមកហើយនោះ ស្របពេល Grealish ដែលទើបតែជួយក្រុម Man.City លើកពាន ៣ក្នុងមួយរដូវកាល កន្លងទៅ បានខកខានចូលលេងពេលម្ចាស់ផ្ទះ Man.City លត់ភ្ញៀវFulham ក្នុងលទ្ធផល ៥ទល់និង១កាលពីថ្ងៃសៅរ៍សប្តាហ៏មុនលើភ្ញៀវFulham ។
ជាមួយគ្នានេះផងដែរ Alexander-Arnold បានរងរបួសសរសៃពួរកំលុងពេល Liverpool បានយកឈ្នះ Aston Villa ៣ ទល់និង០កាលពីថ្ងៃអាទិត្យ។កាលវិភាគនោះគឺអង់គ្លេសនិងត្រូវប្រកួតជាមួយអ៊ុយក្រែនក្នុងប្រទេសប៉ូឡូញក្នុងវគ្គជម្រុះ Euro ២០២៤ នៅថ្ងៃសៅរ៍ចុងសប្តាហ៏នេះមុនពេលជួបប្រទេសជិតខាងរបស់ខ្លួនគឺស្កុតឡែនក្នុងការប្រកួតមិត្តភាពនាទីក្រុងGlasgow នៅថ្ងៃទី ១២ ខែកញ្ញាខាងមុខ។
ប្រភព:BBC
វីដេអូ Grealish
វីដេអូ Arnold
