ទោះបីជាបានស្តារកាយសម្បទាបានគ្រាន់បើឡើងវិញនិងវិលត្រលប់មកហ្វឹកហាត់ ប៉ុន្តែជាថ្មីម្តងទៀតខ្សែការពារ Lisandro Martinez របស់ក្រុមបិសាចក្រហម Man. United រំពឹងថានឹងត្រូវអវត្តមានចាប់ពី ២ ទៅ ៣ ខែដោយសាររូបគេបានប្រឈមនិងបញ្ហារបួសប្រអប់ជើងឡើងវិញ និងធ្ងន់ធ្ងរជាងមុន។កីឡាករអន្តរជាតិអាហ្សង់ទីនវ័យ២៥ឆ្នាំរូបគេឆ្នាំបានខកខានបង្ហាញខ្លួននៅកំលុងការប្រកួតដែលនៅសល់កាលពីរដូវកាលចាស់ពេលជួបSevilla ក្រោយរងរបួសឆ្អឹងម្រាមជើងនោះកាលពីខែមេសាកន្លងទៅនៅក្នុងសន្និសីទសារព័ត៌មានកាលពីថ្ងៃសុក្រមុនជួប Crystal Palace ម្តងទៀតនៅក្របខណ្ឌ EPL អ្នកចាត់ការ Erik ten Hag បាននិយាយថា “វាពិតជាសោកស្ដាយណាស់សម្រាប់គាត់ ព្រោះMartinez ស្ទើតែជាសះស្បើយ១០០ភាគរយទៅហើយនោះ។
Martinez ដែលបានផ្ទេរពី Ajax មក Man.Utd កាលពីខែកក្កដា២០២២កន្លងទៅក្នុងតម្លៃ៥៧លានផោន និងបានជួយអោយ Man.Utd ឈ្នះពាន Carabao Cup និង បញ្ចប់ក្នុងចំណាត់ថ្នាក់លេ៣នៅរដូវកាលមុន។ដើមរដូវកាលនេះ Martinez ចូលលេងពេលប្រកួតជាមួយ Wolves, Tottenham និង Nottingham Forest និងមានវត្តមានពេលបរាជ័យជាមួយ Arsenalនៅដើមខែកញ្ញា ប៉ុន្តែអវត្តមានពេល Man.Utd ចាញ់ Brighton និង Bayern Munich ប៉ុន្តែបន្ទាប់មកបានខកខានពេលជួប Burnley និង Crystal Palaceផងដែរ។
ប្រភព:BBC
