(អង់គ្លេស)៖ ក្លឹប Monaco បានបញ្ចប់ការចុះហត្ថលេខាលើខ្សែប្រយុទ្ធ Folarin Balogun ពីកាំភ្លើងធំ Arsenal ក្នុងតម្លៃ ៣៥លានផោន ក្នុងកិច្ចសន្យារយៈពេល ៥ឆ្នាំ។ ខ្សែប្រយុទ្ធអាមេរិកវ័យ ២២ឆ្នាំរូបនេះ បានត្រលប់ទៅប្រទេសបារាំងវិញបន្ទាប់ពីស៊ុតបញ្ចូលទីបាន ២២គ្រាប់ក្នុងលក្ខខ័ណ្ឌខ្ចីជើងនៅក្រុម Reims កាលពីរដូវកាលមុន។ Balogun មិនមានវត្តមានសម្រាប់ក្រុម Arsenal ក្នុងក្របខ័ណ្ឌ Premier League នៅដើមរដូវកាលនេះទេ បើទោះបីជាខ្សែប្រយុទ្ធជម្រើសដំបូង Gabriel Jesus ត្រូវបានអវត្តមានពីរបួសក៏ដោយ។ Balogun បានកើតនៅទីក្រុងញូវយ៉កហើយផ្លាស់ទៅទីក្រុងឡុងដ៍នៅពេលគាត់នៅក្មេង ដោយបានឆ្លងកាត់ប្រព័ន្ធថ្នាលយុវជនរបស់ Arsenal ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

នៅក្នុងសេចក្តីថ្លែងការណ៍នៅលើគេហទំព័ររបស់ក្លឹប Arsenal បាននិយាយថា «យើងសូមអរគុណដល់ Folarin Balogun សម្រាប់ការរួមចំណែករបស់គាត់ចំពោះក្រុម Arsenal តាមរយៈចូលរួមក្នុងក្រុមដំបូងរបស់យើង ហើយសូមជូនពរគាត់ (Balogun) ឱ្យមានសុខភាពល្អ និងសុភមង្គលនៅក្នុងជំពូកថ្មីនៅ Monaco»៕

ទស្សនានូវវីដេអូខាងក្រោម៖

ប្រភព៖ BBC ចុះផ្សាយថ្ងៃទី៣០ ខែសីហា ឆ្នាំ២០២៣