(អង់គ្លេស)៖ ក្លឹប Everton បានចុះហត្ថលេខាលើខ្សែប្រយុទ្ធព័រទុយហ្គាល់ Beto ពីក្លឹប Udinese របស់អ៊ីតាលីក្នុងតម្លៃខ្លួន ៣០លានផោន។ កីឡាករវ័យ ២៥ឆ្នាំរូបនេះបានចុះកិច្ចសន្យារយៈពេល ៤ឆ្នាំ នៅកីឡដ្ឋាន Goodison Park ហើយបានក្លាយជាកីឡាករទី៥ របស់ Everton នៅរដូវក្តៅនេះ។ Everton មិនទាន់មានពិន្ទុនោះទេ ហើយបានបរាជ័យ ក្នុងការរកបានគ្រាប់បាល់ ក្នុងការប្រកួតបើកឆាក Premier League ចំនួន ៣លើកមកនេះរបស់ពួកគេ ក្នុងរដូវកាលនេះជាបណ្តោះអាសន្ន។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ខ្សែប្រយុទ្ធ Beto ត្រូវបានក្លឹប Udinese ចុះកិច្ចសន្យានាំយករូបគេ លើតម្លៃផ្ទេរ ៧លានអឺរ៉ូ ឬ ៧.៥៥លានដុល្លារ ខណៈកាលពីរដូវកាលមុន Beto រកបានគ្រាប់បាល់ ១០គ្រាប់ ក្នុងការបង្ហាញខ្លួន ៣៣លើកក្នុងលីគ នៅពេលដែលក្លឹប Everton ធ្លាប់បានព្យាយាមក្នុងការចុះកិច្ចសន្យានាំយកកីឡាកររូបនេះ តាំងពីខែមករា។ សូមជម្រាបថា ក្លឹប Everton នឹងធ្វើដំណើរទៅជួបក្រុមស្ថិតនៅលីគលំដាប់ទី៤ ក្លឹប Doncaster Rovers ក្នុងការប្រជែងលីគ EFL League Cup ជាការប្រកួតជុំទី២ នឹងធ្វើឡើងនៅថ្ងៃពុធនេះ មុនពេលបន្តធ្វើដំណើរទៅជួបក្រុម Sheffield United ជាការប្រកួតក្នុងលីគ Premier League នៅថ្ងៃសៅរ៍ ដែលជាសប្តាហ៍ទី៤៕

ប្រភពព័ត៌មាន៖ BBC, CNA