(អង់គ្លេស)៖ យោងតាមប្រភព BBC ចុះផ្សាយថ្ងៃទី២៩ ខែសីហា ឆ្នាំ២០២៣ បានឲ្យដឹងថា ក្លឹប Brighton បានចុះហត្ថលេខាលើខ្សែបម្រើសញ្ជាតិកាមេរូន Carlos Baleba ក្នុងកិច្ចសន្យារយៈពេលប្រាំឆ្នាំ ក្នុងតម្លៃ ២៧លានអឺរ៉ូ ឬស្មើនឹង ២៣.២លានផោន ពីក្លឹប Lille របស់បារាំង។ កីឡាករវ័យ ១៩ឆ្នាំរូបនេះ ទើបតែបង្ហាញខ្លួនលើកដំបូងនៅក្លឹប Lille កាលពី ១២ខែមុន ប៉ុន្តែបានបង្កើតកេរ្តិ៍ឈ្មោះដ៏គួរឲ្យចាប់អារម្មណ៍ដល់អ្នកគាំទ្រ។ Baleba នឹងបំពេញចន្លោះ ដែលបន្សល់ទុកដោយខ្សែបម្រើសញ្ជាតិអេក្វាឌ័រ Moises Caicedo ដែលបានចូលរួមជាមួយ Chelsea ពី Brighton ក្នុងតម្លៃបំបែកឯតទគ្គកម្មអង់គ្លេស ១១៥លានផោន។ Baleba បានបង្ហាញខ្លួន ១៩ប្រកួតសម្រាប់ក្រុម Lille កាលពីរដូវកាលមុន។

• លោក Roberto de Zerbi បាននិយាយថា «គាត់នឹងក្លាយជាអនាគតរបស់ក្លឹប»។
• គាត់បានបន្ថែមទៀតថា «Carlos Baleba គឺជាកីឡាករដ៏ល្អម្នាក់។ គាត់នៅក្មេង ប៉ុន្តែជាកីឡាករជាក់លាក់ច្បាស់លាស់សម្រាប់ទម្រង់លេងរបស់ពួកយើង»៕

សូមទស្សនានូវវីដេអូខាងក្រោម៖