ក្រុមបិសាចក្រហម Man. United បានធ្វើការដាក់សំណើរជាផ្លូវការទៅកាន់ក្រុមតោខៀវ Chelsea ជុំវិញការខ្ចីជើងកីឡាករ Marc Cucurella យោងតាមគេហទំព័រ The Athleticបានចុះផ្សាយ ស្របពេលក្លឹប និង សាម៉ីកីឡាករកំពុងបង្កើនការងារផ្ទេរទៅកាន់ទឹកដី Old Trafford មុនពេលទីផ្សារដោះដូរកីឡាករ និងបិទនៅថ្ងៃសុក្រសប្តាហ៏នេះ។
កីឡាករសញ្ជាតិអេស្បាញរូបនេះសម្លឹងចង់ចូលលេងជម្រើស១១នាក់ដំបូងបន្ទាប់ពី ខ្សែការពារស្លាបឆ្វេងសញ្ជាតិអង់គ្លេស Luke Shaw បានរងរបួស ជួនពេលគ្នាជាមួយខ្សែការពារវ័យក្មេងសញ្ជាតិហូឡង់ Tyrell Malacia ក៏កំពុងសម្រាកព្យាបាលរបួសផងដែរ។ ទោះយ៉ាងណានៅក្នុងសំណើរខ្ចីជើងសម្រាប់ក្រុមលោក Eritk Ten Hag មានជម្រើសបន្ថែមក្នុងការទិញយកអតីតកីឡាករ Brighton រូបនេះមករួមក្រុមផងដែរ។គួរកត់សម្គាល់ថាកីឡាករវ័យ ២៥ ឆ្នាំរូបនេះមិនទាន់មានឪកាសចូលលេងជម្រើសដំបូងក្រោមការដឹកនាំរបស់លោក Mauricio Pochettino នៅឡើយទេ ខណៈខ្សែការពារអង់គ្លេស Ben Chilwell នៅតែជាកីឡាករដែលគ្រូបង្វឹកសញ្ជាតិអាហ្សង់ទីនផ្តល់ទំនុកចិត្ត ។
ឆ្លើយតបបញ្ហានេះក្នុងសន្និសិទសារពត៌មាន មុនការប្រកួតពានរង្វាន់លំដាប់ទីបីអង់គ្លេស Carabao Cup ទល់នឹងក្លឹបមកពីលីកលំដាប់ទីពីរ Wimbledon នៅរាត្រីថ្ងៃពុធនេះអតីតគ្រូបង្វឹក Tottenham បានលើកឡើងថាៈ ខ្ញុំមិនអាចនិយាយអំពីការសន្មត់ ឬពាក្យចចាម អារ៉ាម បានទេ។ នៅពេលនេះមិនមានអ្វីផ្លាស់ប្តូរទេដូច្នេះខ្ញុំមិនអាចប្រាប់ខ្ញុំពីស្ថានភាពរបស់គាត់នៅពេលបច្ចុប្បន្ននេះបានដូចគ្នា ។
ប្រភព:Besoccer
វីដេអូ:
