បរទេស៖ Roma បានកំណត់អត្តសញ្ញាណ Romelu Lukaku ជាគោលដៅដ៏មានសក្តានុពល ហើយបានបញ្ជូនប្រធានក្លឹប Dan Friedkin និងនាយក Tiago Pinto ទៅកាន់ប្រទេសអង់គ្លេស ដើម្បីពិភាក្សាលើកិច្ចព្រមព្រៀងមួយ។ យោងតាមសារព័ត៌មាន The Telegraph ឥឡូវនេះ Roma បានឈានដល់កិច្ចព្រមព្រៀងជាមួយ Chelsea លើកិច្ចសន្យាខ្ចីជើងរយៈពេលមួយរដូវកាល។ Chelsea ចង់ទាមទារតម្លៃ៨លានផោនសម្រាប់ការខ្ចីជើងនេះ ប៉ុន្តែ Roma បានចរចារមកត្រឹមតែ៥លានផោនវិញ ខណៈ Chelsea នឹងមិនចូលរួមចំណែកចេញប្រាក់ឈ្នួលសម្រាប់ខ្សែប្រយុទ្ធរូបនេះឡើយ។ Lukaku គ្រោងនឹងហោះហើរជាមួយ Friedkin និង Pinto ទៅកាន់ទីក្រុងរ៉ូមនៅថ្ងៃអង្គារស្អែក ហើយគាត់នឹងធ្វើការពិនិត្យសុខភាព មុនពេលត្រូវបានបង្ហាញជាផ្លូវការណ៍ក្នុងនាមកីឡាករថ្មី៕​