អនាគតរបស់ Harry Maguire នៅទឹកដី Old Trafford បានធ្លាក់ក្នុងសភាពស្រពេចស្រពិលសាជាថ្មីស្របពេលកីឡាករ Jonny Evans ជិតឈានដល់កិច្ចព្រមព្រៀងជាមួយក្លឹបក្នុងកិច្ចសន្យារយៈពេលមួយឆ្នាំ។អ្នកចាត់ការទូទៅលោក Erik ten Hag កំពុងពិភាក្សាជាមួយកីឡាករអន្តរជាតិអៀរឡង់ខាងជើងលើកិច្ចព្រមព្រៀងមួយមានសុពលភាពរហូតដល់ខែមិថុនា ឆ្នាំ ២០២៤ ។ កន្លងមកការផ្ទេរ Maguire ទៅកាន់ West Hamបានបរាជ័យ ខណៈ Aston Villa បានបង្ហាញការចាប់អារម្មណ៏អតីតយុវជនថ្នាលក្លឹប Sheffield United ស្របពេលាសាម៉ីខ្លួនចង់បានឪកាសចូលលេងទៀងទាត់ដើម្បីមានកៅអីទៅចូលរួមព្រឹត្តិការណ៏ Euro ២០២៤នៅពេលខាងមុខ។
Evans បច្ចុប្បន្នជាកីឡាករដែលអាចផ្ទេរទៅក្លឹបផ្សេងដោយគ្មានតម្លៃខ្លួន ក្រោយពីកុងត្រារបស់ខ្លួនអស់សុពល Leicester City នៅចុងខែមិថុនា ខណៈសាម៉ីខ្លួនក៏មានបំណងចង់ត្រលប់ទៅក្លឹបដែលគាត់ធ្លាប់លេងចន្លោះឆ្នាំ២០០៦ ដល់ ២០១៥ ខណៈខ្សែការពារដែលមានបទពិសោធន៍រូបនេះបានបង្ហាញខ្លួនចំនួន ១៩៨ ដងក្នុងអំឡុងពេលប្រកបអាជីពនៅ Old Trafford មុនពេលចាកចេញទៅកាន់ក្លឹប West Bromwich Albion ។
សម្រាប់អតីតប្រធានក្រុម Harry Maguire បានធ្លាក់ចេញពីជម្រើស១១នាក់ដំបូងក្រោយការមកដល់របស់ Lisandro Martinez និង Raphael Varane ខណៈលោក Erik Ten Hag បានដាក់អោយVictor Lindelof ជាខ្សែការពារបន្ទាប់ជាមួយ និង Luke Shaw ក៏ត្រូវបានប្រើប្រាស់ជំនួសអោយ Maguire នៅពាក់កណ្តាលរដូវកាលចាស់ បន្ទាប់ពី Martinez និង Varane រងរបួស។
ប្រភព:sportsmole
(អង់គ្លេស)៖ យោងតាមគេហទំព័រ Football Insider បានឱ្យដឹងថា ក្លឹបតោខៀវ Chelsea បានត្រៀមខ្លួនលក់កីឡាកររបស់ខ្លួន ៤រូប មានដូចជា Ian Maatsen, Trevoh Chalobah, Armando Broja និង Conor Gallagher ដើម្បីស្តារជំហរហិរញ្ញវត្ថុរបស់ពួកគេ និងរក្សាតំណែងខ្សែការពារឆ្នើម Levi Colwill នៅរដូវក្តៅនេះផងដែរ។អត្ថបទកំពុងចាប់អារម្មណ៍៖ ភ្ញាក់ផ្អើល! Chelsea ត្រៀមលក់កីឡាករខ្លួន ៤នាក់ ដើម្បីរក្សាតារាឆ្នើមរូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ជាមួយគ្នានេះផងដែរ Liverpool បានព្យាយាមចុះហត្ថលេខាលើ Colwill ខណៈឥឡូវនេះហង្សក្រហមអាចនឹងមិនចុះហត្ថលេខាលើខ្សែការពារវ័យ ២១ឆ្នាំរូបនេះបានដោយជោគជ័យនោះទេ ស្របពេល Joel Matip ទំនងជានឹងចាកចេញពីទឹកដី Anfield ក្នុងរដូវកាលនេះផងដែរ។ សរុបមកវិញ ការចាកចេញរបស់កីឡាករ Chelsea ទាំង៤រូបនេះ អាចជាការសម្រេចដ៏ត្រឹមត្រូវដែរឬទេ ក៏ព្រោះថាពួកគេសុទ្ធសឹងតែជាកីឡាករកំពុងតែវិវត្តន៍បានយ៉ាងល្អ គួរឲ្យកត់សម្គាល់៕ ប្រភព៖ SportsMole
