បរទេស៖ ខ្សែបម្រើឆ្នើមរបស់ក្លឹងអធិរាជ្យស Real Madrid កីឡាករ Toni Kroos បានបង្ហាញអារម្មណ៍ខកចិត្តរបស់ខ្លួន ក្រោយខ្សែបម្រើឆ្នើមវ័យ២១ឆ្នាំ Gabri Veiga សម្រេចចិត្តជ្រើសរើសយកការទទួលបានប្រាក់ឈ្នួលច្រើន ជាជាងការសម្រេចក្តីស្រមៃរបស់ខ្លួនក្នុងការប្រកួតប្រជែងពានរង្វាន់ធំៗនៅទ្វីបអឺរ៉ុប ។ Toni Kroos បានសរសេរចំណាប់អារម្មណ៍របស់ខ្លួនថាជា «ការអាម៉ាស់» នៅលើគណនីអ្នកជំនាញទីផ្សារដោះដូរកីឡាករលោក Fabrizio Romano ដែលបានបង្ហោះបញ្ជាក់អំពីការបញ្ចប់ការផ្ទេរខ្សែបម្រើ Gabri Veiga ទៅកាន់ក្លឹប Al Ahli នៃលីគអារ៉ាប់ Saudi Pro League ។ Gabri ជាកីឡាករវ័យក្មេងដែលកំពុងមានទីផ្សារល្អនៅទ្វីបអឺរ់ុប សម្បីតែ Barcelona ក៏បានបង្ហាញចំណាប់អារម្មណ៍ផងដែល ប៉ុន្តែយ៉ាងណាមិញបច្ចុប្បន្នរូបគេសម្រេចចិត្តផ្ទេរទៅកាន់លីគនៃទ្វីបមមជ្ឈិមបូព៌ា ៕