បរទេស៖ រដូវកាល 2023-24 កំពុងដំណើរការនៅក្នុងទ្វីបអឺរ៉ុប និងលីកផ្សេងៗទៀតនៅពិភពលោក។ ទីផ្សារដោះដូរកីឡាករនៅមិនទាន់បិទនៅឡើយ ហើយវាជារដូវក្តៅដ៏មមាញឹកសម្រាប់ក្លឹបបាល់ទាត់ជាច្រើន។ ទីផ្សារលើនេះមានការផ្ទេរដ៏ភ្ញាក់ផ្អើលជាខ្លាំង ដូចជាកីឡាករមួយចំនួនបានធ្វើការផ្លាស់ប្តូរក្លឹបដ៏មិនគួរឲ្យជឿ ដូច្នេះវានឹងកាន់តែគួរឱ្យចាប់អារម្មណ៍ក្នុងការឃើញកីឡាករទាំងអស់នោះបង្ហាញសមត្ថភាពរបស់ខ្លួននៅក្លឹបថ្មីរបស់ពួកគេ។ ប៉ុន្មានសប្តាហ៍ដំបូងនៃរដូវកាលថ្មីគឺជារយៈពេលដ៏លំបាកសម្រាប់កីឡាករបាល់ទាត់ជាច្រើនក្នុងការសម្របខ្លួន។ ប៉ុន្តែមានកីឡាករ៥ដែលបានបង្ហាញថា ពួកគេមិនត្រូវការពេលយូរឡើងដើម្បីធ្វើវា ដោយទាំងនោះមានដូចជា៖
#5 Jude Bellingham (Real Madrid) កីឡាករសញ្ជាតិអង់គ្លេសរូបនេះបានផ្តល់ហេតុផលដល់ Real Madrid ថា មិនមានក្តីព្រួយបារម្ភឡើយដែលវិនិយោគលើរូបគេក្នុងការប្រកួតបើកឆាករដូវកាលថ្មីនៅ La Liga ។
#4 Robert Taylor (Inter Miami) តាំង ពី ចាប់ ដៃ គូ ជាមួយ Messi។ កីឡាករអន្តរជាតិហ្វាំងឡង់រូបនេះស៊ុតបញ្ចូលទីបាន 4 គ្រាប់ និងបញ្ជូនបាល់ឱ្យមិត្តរួមក្រុមចំនួន 4 ដងក្នុងការបង្ហាញខ្លួន 5 លើកចុងក្រោយរបស់គាត់សម្រាប់ក្លឹប MLS ។
#3 Erling Haaland (Manchester City) ខ្សែប្រយុទ្ធន័រវេសដែលបានឈ្នះស្បែកជើងមាស Premier League កាលពីរដូវកាលមុននោះបានស៊ុតបាល់បញ្ចូលទីក្នុងការប្រកួតបើកឆាក Premier League របស់ Man City ទល់នឹង Burnley វាហាក់បីដូចជាបង្ហាញថា កីឡាករវ័យ 23 ឆ្នាំត្រូវបានកំណត់ថា នឹងមានរដូវកាលដ៏អស្ចារ្យបន្តបន្ទាប់ទៀត។
#2 Cristiano Ronaldo (Al-Nassr) Al-Nassr បានឈ្នះពានរង្វាន់ Arabian Cup of Champions ដែលទើបបញ្ចប់ថ្មីៗនេះ ហើយ Ronaldo គឺជាកីឡាករឆ្នើមរបស់ពួកគេនៅក្នុងការប្រកួតនេះ។ គាត់ស៊ុតបញ្ចូលទីបាន 6 គ្រាប់ក្នុងការបង្ហាញខ្លួន 6 ដង និងឈ្នះស្បែកជើងមាសក្នុងការប្រកួតដែលធ្វើឡើងនៅចន្លោះខែកក្កដា ដល់ 12 សីហា។
#1 Lionel Messi (Inter Miami) Inter Miami គឺខុសប្លែកខ្លាំង ចាប់តាំងពី Messi មកដល់។ ពួកគេបានស៊ុតបញ្ចូលទីបាន 21 គ្រាប់ក្នុងការប្រកួតចំនួន៦ប៉ុណ្ណោះ។
មុនជំនួបដ៏ប្រចាំសប្តាហ៍រវាងក្រុម Arsenal និង Man City លោក Pep Guardiola ហាក់បីព្រួយបារម្ភចំពោះអវត្តមានរបស់ខ្សែបម្រើឆ្នើម Kevin De Bruyne ដែលបានរងរបួសក្នុងជំនួប ០-០ ទល់នឹងក្រុម Inter Milan កាលពីម្សិលមិញនេះ ។ យ៉ាងណាមិញ អវត្តមានរបស់ខ្សែបម្រើឆើ្នមរូបនេះនឹងធ្វើឲ្យក្រុមរបស់គ្រូបង្វឹកអេស្ប៉ាញរូបនេះពិបាកក្នុងការតទល់ជាមួយនឹងក្រុម Arsenal ដែលកំពុងមានទម្រង់លេចធ្លោក្រោមការដឹកនាំរបស់លោក Arteta ៕អត្ថបទកំពុងចាប់អារម្មណ៍៖ ក្លឹបធំនៅទ្វីបពីរផ្សេងគ្នាបញ្ចប់តំណែងគ្រូបង្វឹកក្នុងថ្ងៃតែមួយ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
