បរទេ​ស៖ ខ្សែប្រយុទ្ធរបស់ Chelsea កីឡាករ Hakim Ziyech ត្រូវបានគេរាយការណ៍ថាបានបរាជ័យផ្នែកវេជ្ជសាស្ត្រ មុនពេលដែលគាត់បានស្នើរផ្ទេរទៅកាន់ Galatasaray ។ ​យោងទៅតាមគេហទំព័រ Twitter ឈ្មោះថា TheEuropeanLad អះអាងនៅលើ Twitter ថាលោក Wilfried Genee បានបង្ហាញនៅលើទូរទស្សន៍ហូឡង់ថា Ziyech បានបន្តធ្លាក់ការធ្វើតេស្តិ៍សុខភាពរបស់ខ្លួន ក្រោយ ក្រុមតោខៀវ Chelsea បានយល់ព្រមលើកិច្ចព្រមព្រៀងជាមួយក្រុមតួកគី Galatasaray សម្រាប់ខ្សែប្រយុទ្ធរូបនេះ។ គួររំលឹកថា Ziyech ទទួលការចាប់អារម្មណ៍ពីក្លឹប Al-Nassr កាលពីប៉ុន្មានសប្តាហ៍កន្លងទៅ ហើយត្រូវបានគេរាយការណ៍ថាក្លឹប Chelsea. បានសម្រេចលក់ខ្សែប្រយុទ្ធរូបនេះទៅកាន់ក្លឹបនៅលីគ Saudi Pro League ហើយ ប៉ុន្តែការធ្វើតេស្តិ៍សុខភាពរបស់គេនៅទីនោះមិនទទួលបានលទ្ធផលល្អឡើយ។